ІІМ полиция бастығының орынбасарының ұсталғанына қатысты пікір білдірді
ІІМ Ішкі қауіпсіздік департаменті Жамбыл облысы полиция департаменті бастығының бұрынғы орынбасарының қамауға алынунына қатысты пікір білдірді, - деп хабарлайды Tengrinews.kz тілшісі.
Қазір ол уақытша ұстау изоляторында отыр, соталды тергеу жүріп жатыр.
2025 жылғы 29 тамыздағы ішкі істер министрінің бұйрығымен ол қызметінен "теріс себептер" бойынша босатылған.
ІІМ ресми хабарламасында оған қандай нақты айып тағылып отырғаны айтылмаған. Қылмыстық кодекстің бабы да, істің егжей-тегжейі де әзірге жария етілмеді, тек "заңсыз әрекеттер" туралы айтылған.
"Біз заңды және антты бұзғандар сөзсіз анықталып, жауапқа тартылады деген қағидатты ұстанамыз", - деді министрлік өкілдері.
Күдіктінің аты-жөні ресми аталмағанымен, БАҚ пен әлеуметтік желілерде оның Жайдарбек Құттыбаев болуы мүмкін деген ақпарат тарады.
2024 жылғы күзге қарай ІІМ инспекторлық тексерісінің қорытындысы бойынша департамент басшысы Арманбек Баймурзин мен оның орынбасарлары қызметтерінен босатылған еді. Жаңа басшы болып Бақытжан Малыбаев тағайындалды, оның бірінші орынбасары - Мақсат Қанапияев, орынбасарларының қатарында Бауыржан Жанаев, Жайдарбек Құттыбаев және Мұхтар Аманбеков болды.
Аймақтағы "тазалық" науқаны әлеуметтік желілерде Арманбек Баймурзиннің қол астындағыларға балағат сөздер айтқан видеосынан кейін басталған.
Сол кезеңде желіде Жамбыл облысының полицейлері қарапайым киімдегі ер адамның бұйрығымен отырып-тұру жаттығуларын жасаған видео да тараған. Видео сипаттамасында ер адам облыстық полиция бастығы орынбасарларының бірі деп жазылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!