Мемлекеттік тіл-этносаралық татулықтың діңгегі
Бүгін Достық үйінде «Қоғамдық келісім» КММ ұйымдастыруымен «Ұлы даланың ұлтаралық тілі» атты форум өтті. Ауқымды шара мемлекеттік тілдің рөлін арттыруға, оның этносаралық қатынас тілі ретіндегі маңызын дәріптеуге бағытталды.
Форумның негізгі мақсаты – қазақ тілінің қолданылу аясын кеңейту, этнос өкілдері арасында оның мәртебесін арттыру.
Ауқымды шара этностардың қазақ тіліне тілге деген ықыласын көрсетті.
Шараға Жамбыл облыстық ҚХА-ның мүшелері, этномәдени бірлестік басшылары мен мүшелері, түрлі сала қызметкерлері, кәсіпкерлер, ұстаздар, дәрігерлер, әскери қызметкерлер, мемлекеттік қызметшілер, балабақша-бөбекжай меңгерушілері, туризм және өлкетану орталығының қызметкерлері, қоғам белсенділері мен журналистер қатысты.
Форум аясында алаңшалар құрылып, облыстық «Тілдерді оқыту орталығы» ғылыми-әдістемелік бөлімінің басшысы Әйгерім Байғабылдың «Мәміле» пікірталас клубы мүшелері мен этнос жастарына арналған тренингімен ашылды. Шара барысында «Мың бала» жобасының облыстық кезеңінің жеңімпазы Данил Курбанов пен Домбыра күні байқауының жеңімпазы Нұрғали Бекәлі күй сайысын көрсетіп, жиналған жұртшылықтың ыстық ықыласына бөленді.
Шараның салтанатты ашылуында Жамбыл облыстық ҚХА Ақсақалдар кеңесінің төрағасы Асқарбек Сейілханов және облыстық Қан орталығының директоры, облыстық мәслихат депутаты, ҚХА төрағасының қоғамдық орынбасары Гулам Умаров жүрекжарды тілектерін білдіріп, мемлекеттік тілдің татулық пен тұрақтылықты сақтаудағы маңызын атап өтті.
Сонымен қатар, форум аясында ҚР Президенті Қасым-Жомарт Тоқаевтың «Қазақ тілі – мәңгілік мемлекеттік тіл» атты бейнеүндеуі тағы бір мәрте көрсетіліп, қатысушылардың тілге деген құрметін арттыра түсті.
Шараның басты бөлігі «Ұлы даланың ұлтаралық тілі» атты ашық алаң форматында жалғасты. Мұнда әр салада еңбек етіп жүрген этнос өкілдері қазақ тілін меңгерудің тиімді жолдары және өмірлік тәжірибелерімен бөлісті. Олар қазақ тілінің тек қатынас құралы ғана емес, табысты өмір сүрудің, кәсіби дамудың, тұлғалық қалыптасудың құралы екенін нақты мысалдармен дәлелдеп берді.
Мәселен, ашық алаңның алғашқы спикері, блогер, «RANO KOMFORT SERVICE» ЖШС директоры Рано Шадыханова арманын іске асырып, кәсіпкерлік жолында тың бастамаларға қадам басқаны, табандылық пен жаңашылдық, ізденістің үлгісі кәсіпкер ғана емес, кәсібін контенттер арқылы дамытып отырғандығын айта келе,
“Қазақ тілінің — бейбітшілік тілі” екендігіне және тіл білудің арқасында “мен кәсіпкерлік жолымды бастағалы кәсібім өрге домалады», — деп сөзін аяқтады.
Т. Рысқұлов ауданындағы мектеп мұғалімі Умиджон Қодиров болса, қазақ тілінің екінші ана тіліне айналғанын айтып, «Мен қазақ ауылында өстім. Қазақ тілі — менің өмірімнің бір бөлшегі», — деді.
Бастамалары ұлттық құндылықтарды дәріптеуге, мемлекеттік тілге деген құрметті арттыруға ықпал етіп жүрген Тараз қалалық 8167-әскери бөлімінің әскери оркестр старшинасы Кудраттила Утепов және Қордай ауданына танымал асаба, шоумен, мемлекеттік тілде салтанатты жиындар басқарып жүрген Андрей Булгаков сияқты ер-азаматтар да ой-пікірлерін ортаға салды.
Ол мәселен, «Мен барлық шараларды қазақ тілінде жүргіземін. Әлеуметтік желілерде балаларымыз көбіне орысша контентке бет бұрып жүр. Біз Қазақстанда тұрған соң қазақ тілінің кеңінен қолданылғанын қалаймыз», — деген пікір білдірді.
Мемлекет басшысы Қ.Тоқаев 2025 жылды «Жұмысшы мамандықтары жылы» деп жариялады. Осыған орай, сөз кезегі «Қазфосфат» ЖШС филиалы «Қаратау» тау-кен өңдейтін комплексі қызметкері Анастасия Балабина Жамбыл ауданы Т.И.Батуров атындағы Жамбыл ГРЭС ЖШС машинисті — Ахметов Ахму Вали-улына беріліп, қазақ тіліне жанашыр ретінде жастарды қазақ тілін үйренуге шақырды.
Бұдан өзге, Талас ауданы, Қаратау қаласы «Анжелика мектеп-балақша» меңгерушісі Флюра Малыхина және Шу ауданы Балалар жасөспірімдер өлкетану және туризм орталығы қызметкері — Расул Кахорманов , Жуалы ауданы Қарасаз ауылдық округі әкімішілігі мемлекеттік қызметкері – Марина Беличенко және Меркі ауданы әкімдігі ішкі саясат бөлімінің «Жастар ресурстық орталығы» КММ жастар ісі жөніндегі инспекторы Зарина Асадова да өз ойларын ортаға салды.
Шара соңында Жамбыл облыстық Махмұт Қашқари атындағы ұйғыр этномәдени бірлестігінің төрайымы Мухабат Турдыева, «Әулие Ата» қазақ мәдени орталығы төрағасының орынбасары Айгүл Кабиева және «Қоғамдық келісім» мекемесінің басшысының орынбасары Дәурен Тайлеев белсенді қатысушылар мен тіл жанашырларына арнайы марапаттар табыс етті.
«Ұлы Даланың ұлтаралық тілі» форумы – тіл төңірегінде бірлік пен татулықты нығайтқан, қазақ тілінің құндылығын нақты істермен дәлелдеген ерекше форматтағы шара болды. Бұл форум — қазақ тіліне деген сенімді, құрмет пен ықыласты арттыруға бағытталған игі қадам.
Сообщение Мемлекеттік тіл-этносаралық татулықтың діңгегі появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.