23 октябрда мамлакат бўйлаб илиқ об-ҳаво кутилмоқда
Эртага, 23 октябрь куни мамлакатнинг кўпчилик ҳудудларида илиқ ва қуёшли об-ҳаво сақланиб туради. Бу ҳақда Ўзгидромет маълум қилди.
Маълумотларга кўра, Тошкент шаҳрида осмон бироз булутли бўлиб, ёғингарчилик кутилмайди. Шамол шарқдан 3–8 м/с тезликда эсади. Ҳарорат кечаси 11–13, кундузи эса 26–28 даража бўлиши кутилмоқда.
Қорақалпоғистон ва Хоразм вилоятларида ҳаво ўзгарувчан, айрим жойларда эрталаб қисқа муддатли ёмғир ёғиши мумкин. Ҳарорат кечаси 5–10, кундузи 21–26 даража атрофида бўлади.
Бухоро ва Навоий вилоятларида ҳаво бироз булутли ва хуш ҳаво сақланади. Ёмғир эҳтимоли йўқ. Кечаси 8–13, кундузи 23–28 даража илиқ бўлиши кутилмоқда.
Тошкент, Сирдарё, Жиззах ва Самарқанд вилоятларида ҳам қуёшли об-ҳаво ҳукм суради. Ҳарорат кечаси 8–13, кундузи 23–28 даража бўлади.
Қашқадарё ва Сурхондарё вилоятларида ҳаво нисбатан иссиқ — кундузи 25–30 даражагача кўтарилиши мумкин.
Фарғона водийсидаги Андижон, Наманган ва Фарғона вилоятларида ёмғир кутилмайди, шамол шарқдан 5–10 м/с тезликда эсади. Ҳарорат кечаси 8–13, кундузи 23–28 даража бўлади.
Тоғли ҳудудларда ҳаво салқин ва нисбатан нам бўлади. Ҳарорат кечаси 5–10, кундузи 18–23 даража атрофида бўлиши маълум қилинган.
Синоптиклар маълумотича, ҳафтанинг қолган кунларида ҳам об-ҳаво барқарор бўлиб, кузнинг илиқ палласи давом этади.