Idretten ynskjer stønad til energisparande tiltak

Idretten ynskjer eigen pengestønad til energisparande tiltak. No krev idrettspresidenten at regjeringa kjem på banen.

– Vi ynskjer oss ein eigen ordning for idretten for å klare den omstillinga som blir kravd av oss, og som regjeringa ynskjer at Noreg skal vere med på, seier Zaineb Al-Samarai.

Eit nytt idrettsanlegg i Tistedalen i Halden kommune, har kosta meir enn forventa, på grunn av energisparande tiltak. Dei ynskjer stønad for å dekkje dei elleve millionane som har gått over budsjettet. Men har ikkje fått det.

Idrettspresidenten meiner idretten fell mellom to stolar.

– Enova har i stor grad fagleg fridom til å prioritere korleis dei tildeler midla, så lenge det går til grøn omstilling. Det er viktig at stønaden skal gi eit fagleg og likeverdig grunnlag, og unngå at politikarar sit og detaljstyrer kven som får stønad, skriv klima og miljøminister Andreas Bjelland Eriksen.

På fredag skal idrettstoppane i møte med energikomiteen på Stortinget. Der skal dei ta opp sitt ynskje til neste års statsbudsjett.

– Eg vil gjerne jobbe saman med idretten for å informere enda betre om Enovas ordningar og korleis frivilligheita kan søkje dette, legg Eriksen til.