Иван Ракитич 18 ёшли Ямални “Реал” ҳақидаги сўзлари учун қўллаб-қувватлади
“Барселона” собиқ футболчиси Иван Ракитич Ламин Ямалнинг Мадриднинг “Реал” клуби ҳақидаги фикрларига муносабат билдирди. Ямал яқинда ўзининг стримида мадридликлар фақат ҳийла ишлатиши ва шикоят қилишини айтган эди.
Бу баёнот жамоалар ўртасидаги Ла Лига 10-туридаги якшанба кунги “Эл-Класико” олдидан катта муҳокамаларга сабаб бўлди. Бу ҳақда Euro-football.ru хабар берди.
Ракитич ёш футболчига ўзини эркин ифода қилиш ва ўйиндан завқланиш муҳимлигини таъкидлади. У Ямалнинг ўйинини юқори баҳолайди ва уни ҳимоя қилиш зарурлигини қайд этди.
Ракитичга кўра, футболчи ўзининг энг яхши томонларини намоён этишда эркин бўлиши керак. Иван Ракитич, шунингдек, Ямал атиги 18 ёшда эканини эслатди.
Унинг фикрича, футболчи ҳали кўплаб қийинчилик ва жароҳатлардан ўтиб, спортчи ҳамда шахс сифатида ўсиб боради. “Реал” ва “Барселона” ўртасидаги баҳс 26-октябрь куни соат 18:15 да бошланади.