Карпин Россия терма жамоаси таркибини шарҳлади
Россия терма жамоаси бош мураббийи Валерий Карпин Перу ва Чили билан бўлиб ўтадиган BetBoom ўртоқлик учрашувлари учун кенгайтирилган таркибга 39 нафар футболчи киритилганини изоҳлади. "Рўйхатга сўнгги ўйинларда ўзини яхши кўрсатган футболчилар киритилди.
Шунингдек, узоқ вақт давомида катта ўйин амалиётига эга бўлмаган бир нечта футболчилар ҳам таркибга олинди", – деди Карпин. Мураббий, шунингдек, жароҳатидан тузалган футболчилар ҳам рўйхатга киритилганини таъкидлади.
Россия терма жамоасининг навбатдаги ўртоқлик ўйинлари 12 ва 15 ноябрь кунлари бўлиб ўтади. Жамоа сўнгги ўйинида Боливияни 3:0 ҳисобида мағлубиятга учратган эди.