7 millionar menneske treng akutt hjelp i Mali

Det vestafrikanske landet Mali står midt i ei alvorleg humanitær krise etter fleire år med ein væpna konflikt og klimakatastrofar.

Situasjonen har forverra seg raskt. Det er no over 7 millionar menneske som treng akutt hjelp.

– Våre team i Mali møter nykomne flyktningar kvar dag. Mødrer, barn, eldre. Vi møter kvinner som har overlevd grufulle seksuelle overgrep som står utan både medisinsk og psykologisk hjelp, seier Kaj-Martin Georgsen, generalsekretær i CARE Noreg.

Han legg til:

– Den humanitære situasjonen i Mali har nådd eit kritisk punkt. Utan ein rask og samordna internasjonal respons vil tusenvis miste livet, seier Georgsen.