Кейбір адамдар неге басқаларға қарағанда жиі ауырады?

Біреулер жылына бір-ақ рет сырқаттанса, енді біреулер бүкіл маусымда мұрны бітіп, жөтеліп жүреді. Мұның сыры неде? Калифорния университеті Дэвистегі медициналық орталықтың балалар жұқпалы аурулар бөлімі меңгерушісі Дин Блумберг түсіндірді, — деп хабарлайды Massaget.kz тілшісі «Доктор Питерге» сілтеме жасап.

Блумбергтің айтуынша, ең жиі жұқтыру көзі — тұрмыстағы жақын байланыс. Инфекция жұқтырған адаммен бірге тұрсаңыз, сіздің де жұқтыру мүмкіндігіңіз артады: бір кеңістікте көп уақыт өткізу, ортақ сүлгілер. Пәтерде бірге тұратындар саны артқан сайын жұқтыру ықтималдығы да өседі.
Көпқабатты үйлерде тұратындардың жалпы сырқаттану қаупі жоғарырақ.

Бақшаға немесе мектепке баратын балалары бар ата-аналар да жиірек ауырады. Себебі бүлдіршіндер мен жасөспірімдер вирусты құрдастарынан жұқтырып келеді.

Блумбергтің сөзінше, ең үлкен қауіп балабақша жасындағы балаларда.

«Балабақшаға баратын балалар өзге балалармен тығыз байланыста болады, әрі олар гигиенаны қатаң сақтауға әлі тым кішкентай», — дейді дәрігер.

Кішкентайлар қолды жиі жумайды, түшкіргенде ауыз-мұрынды жаба бермейді, ойыншықтармен бөлісіп, қол ұстасады. Үйде ата-аналар оларды құшақтап, бауырына басады — бұл да жұқтыру мүмкіндігін арттырады.

Қалай қорғанамыз?

Күз-қыс мезгілінде жұқтыру қаупін қалай азайтуға болады? Ең қарапайым ереже — ауырып жүрген адамдармен жақын байланыспау.

«Бұл вирустардың көбі ауа-тамшылы жолмен беріледі… Жөтеліп, түшкіріп жүрген адамға қаншалық жақын болсаңыз, соншалық жұқтыру қаупі жоғары», — деп түсіндіреді Блумберг.

Егер әріптесіңіз мұрын тартып, жөтеліп жүрсе, құшақтасып қоштасудың қажеті жоқ. Кабинетті жиірек желдеткен дұрыс.

Сообщение Кейбір адамдар неге басқаларға қарағанда жиі ауырады? появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.