Гвардиола: Холанд ўйинга тайёр
Эрлинг Холанд соғлиғидаги муаммолар сабаб "Сити"нинг Лига Кубоги доирасидаги "Суонси"га қарши ўйинида қатнашмади. Жума куни Хосеп Гвардиоладан матбуот анжуманида норвегиялик футболчининг ўйинга тайёрлиги ҳақида сўрашди.
"Холанд ўйинга тайёрми? Ҳа. Родри-чи? Ҳозирча аниқ эмас, лекин умид қиламанки, у биз билан майдонга тушади.
Родри ҳам, бошқа 18 футболчи каби, ўйинда қатнашишни хоҳлайди. У бир неча марта сафдан чиққан, лекин унинг жамоамиз учун нақадар муҳимлигини ҳаммамиз биламиз", - деди Гвардиола журналистларга.
"Манчестер Сити" ҳозирда Премьер-лига турнир жадвалида бешинчи ўринда бормоқда. Гвардиола шогирдлари биринчи ўриндаги "Арсенал"дан 6 очко орқада қолмоқда.
Якшанба, 2 ноябрь куни "Манчестер Сити" ўз уйида "Борнмут"ни қабул қилади.