Фильцов Сафонов ПСЖда натижага таъсир қилаётганини айтди
Фильцов Сафонов шунчаки ишончли ўйин кўрсатаётганини эмас, балки юқори савия намойиш этиб, натижага реал таъсир қилаётганини таъкидлади. Шунингдек, у Сафонов захира роли билан келишмаслигини ва ўйинлари орқали биринчи рақам мақоми учун курашишга тайёрлигини исботлаётганини қайд этди.
«Бу ерда Матвейга муносиб баҳо бериш керак: унинг характери, сабри ва совуққонлигига. Футболчига имконият берилди, у ярим йил ўйнамади, кейин майдонга тушиб, фарқни юзага келтиряпти: ҳам чемпионатда, ҳам бошқа турнирларда.
Унинг ўйини жамоа учун муҳим, у фарқни юзага келтиряпти», — дея Фильцовнинг сўзларини «Советский спорт» келтиради. Сафонов бу мавсум парижликлар сафида тўртта ўйин ўтказди ва уларнинг иккитасида дарвозасини дахлсиз сақлаб қолди.