Ди Мария «Реал»ни тарк этиши оғриқли бўлганини айтди
Аргентина терма жамоаси ва ҳозирги клуби билан танилган Анхел ди Мария 2014 йилда «Реал»дан «Манчестер Юнайтед»га кетиши ўз хоҳишига қарши бўлганини эслади. Бу ҳақда euro-football.ru хабар беради.
Футболчининг сўзларига кўра, Мадрид клубини тарк этиш унга оғир ботган, чунки у қолишни истаган. Ўша пайтда ОАВ ди Мария Роналдуникидек маош сўраяпти, деб ёзган, бироқ у буни қатъиян рад этди: «Қанча "Олтин тўп" ютган футболчидан кейин бундай талабни қўйиш мумкин?»
Ди Мария «Реал» сафида Чемпионлар лигасини ютганидан кейин ҳам ўзини бахтли ҳис қилганини, бош мураббий Карло Анчелотти ҳам уни қўйиб юборишни хоҳламаганини таъкидлади. Аммо жамоага Хамес Родригес келгани ортидан трансфер бозорига айнан у чиқарилган.
Унинг айтишича, кетиш қарори футболчининг ўзидан кўра тезроқ ҳал бўлган: ди Мария охирги кунгача жамоада қолишга уриниб, машғулотларни давом эттирмоқчи бўлган. У «Атлетико»га қарши Суперкубокнинг илк ўйинида майдонга тушган, аммо жавоб учрашувига ҳатто қайдномага ҳам киритилмаган.
Футболчи «Реал»нинг «Манчестер Юнайтед» билан келишиб олганини кейинроқ билганини айтди. «Футболда баъзан шунақа ҳолатлар бўлиб туради», — дея якунлади у.