Тошкентда Наврўз байрами қаерларда ва қандай нишонланади?
Тошкент шаҳар ҳокимлиги 2026 йил Наврўз байрами муносабати билан пойтахтнинг бир нечта ҳудудларида оммавий тадбирлар ташкил этилишини эълон қилди. Байрам тадбирлари нафақат шаҳар марказида, балки турли туманларда ҳам кенг кўламда ўтказилади.
Асосий байрам масканлари:
- 21–22 март — "Ўзбекистон овози" туризм кўчаси (бош манзил)
- 21–22 март — Тарас Шевченко гастрономик кўчаси
- 21–23 март — "Наврўз" этно боғи
- 21 март — Ал-Хоразмий туризм кўчаси
Шунингдек, қуйидаги ҳудудларда ҳам байрам тадбирлари бўлиб ўтади:
- 21 март — Юнусобод тумани, Юнусобод Галерея мажмуаси олди
- 21 март — Бектемир тумани, "Coca Cola" боғи
- 21 март — Мирзо Улуғбек тумани, "Central Park"
- 21 март — Сергели тумани, марказий хиёбон
- 21 март — Олмазор тумани, Талабалар шаҳарчаси (Беруний метроси ёнида)
- 21–22 март — Шайхонтоҳур тумани, "Анҳор Локомотив" боғи
- 21–22 март — Шайхонтоҳур тумани, "Tashkent City" боғи
- 21 март — Учтепа тумани, "Сеул" экобоги
- 21 март — Чилонзор тумани, Ғофур Ғулом боғи
- 21 март — Яккасарой тумани, "Нехт" савдо мажмуаси
- 21 март — Яшнобод тумани, "Ашхобод сайилгоҳи" боғи
- 21 март — Янгиҳаёт тумани, "Меҳригиё" майдони
Байрам дастурида нималар бўлади?
- Миллий таомлар ва баҳорлик неъматлари кенг намойиш этилади;
- Сумалак, ҳалим, сомса ва анъанавий палов тайёрлаш жараёни ҳамда уларни татиб кўриш имконияти;
- Машҳур санъаткорлар иштирокидаги концерт дастурлари;
- Ҳунармандчилик ва амалий санъат кўргазмалари;
- Миллий ўйинлар, халқ томошалари ва қизиқарли беллашувлар ўтказилади.
Наврўз тадбирлари шаҳар аҳолиси ва меҳмонлар учун байрамона кайфият яратади, қадимий анъана ва маданиятни яққол намоён этади.