Памёр Мікола Багадзяж
Развітанне з Міколам Багадзяжам адбудзецца ў пятніцу, 18 сакавіка, на Паўночных могілках у Менску.
На 65-м годзе жыцця не стала гісторыка, пісьменніка і журналіста Міколы Багадзяжа.
Родам ён быў з Барысаўскага раёна. У 1984 годзе закончыў гістарычны факультэт Белдзяржуніверсітэта. Працаваў настаўнікам гісторыі ў Барысаўскім раёне, а ў 1985—1986 гадах – у Валмянскай школе Дзяржынскага раёна. Потым займаўся даследчыцкай дзейнасцю ў аддзеле археалогіі Інстытута гісторыі АН Беларусі і ў Беларускім дзяржаўным музеі народнай архітэктуры і побыту.
З 1990 года Мікола Багадзяж быў журналістам, пісаў пра гісторыю Беларусі. Аўтар кнігі «Сыны зямлі беларускай» (2002). Сумесна з жонкай Ірынай Масляніцынай напісаў і выдаў кнігі «Слава і няслаўе» (1995), «Радзівілы — нясвіжскія каралі» (1997), «Радзівілы ў эпоху інтрыг і авантур» (2003) і шмат іншых. Шэраг артыкулаў ён прысвяціў радаводу Чапскіх, былых уладальнікаў Станькава, запісаў пра іх легенды і паданні.
Развітанне з Міколам Багадзяжам адбудзецца ў пятніцу, 18 сакавіка, на Паўночных могілках у Менску.
Беларускае Радыё Рацыя