Беларусы Бельгіі, Францыі і Нідэрландаў працягваюць дапамагаць беларускім добраахвотнікам
Трэці раз з пачатку расейскага ўварвання ва Украіну беларусы Бельгіі наведалі Цэнтр дапамогі беларускім добраахвотнікам і перадалі ім неабходныя ва ўмовах баявых дзеянняў рэчы.
На гэты раз высілкамі беларусаў Бельгіі, Францыі і Нідэрландаў былі сабраныя і закупленыя для добраахвотнікаў медычныя сродкі, спецвопратка і прыбор начнога бачання.
Гаворыць ініцыятар збору і дастаўкі дапамогі Зміцер Піменаў, прадстаўнік дыяспары з бельгійскага Антвэрпена.
– Калі мы апошні раз, два тыдні таму, прыязджалі, мы атрымалі просьбы і па максімуму пастараліся выканаць іх. Гэта значыць, прывезлі медыкаменты, перавязачныя матэрыялы, турнікеты, ну і адной з галоўнай замовай, якія яны прасілі, гэта быў прыбор начнога бачання для адсочвання ворагаў уночы.
А тым часам ужо распачаты збор на чарговую партыю дапамогі беларускім добраахвотнікам. Наперш гэта – вайсковы дрон.
Усе сродкі і рыштунак, сабраныя беларускай дыяспарай, ідуць у батальён імя Кастуся Каліноўскага.
Беларускае Радыё Рацыя