У Варшаве беларусы напішуць лісты палітвязням
Сёння ў Варшаве пройдзе акцыя, падчас якой беларусы напішуць лісты палітвязням.
Такое мерапрыемства стала ўжо традыйным: ладзіцца кожную сераду і па аднолькавай схеме. Распавядае каардынатар акцыі Алёна Панамарова:
– Ініцыятыва існуе ўжо паўгода. Як гэта адбываецца? Я ці мае таварышы рыхтуем спіс паводле звестак “Дысідэнт. бай”, абіраем нейкую турму ці калонію, рыхтуем спіс, колькі чалавек там зараз сядзіць. Па гэтым спісе мы падпісваем капэрты адразу, каб людзі толькі прыходзілі і пісалі ліст. І каб кожны чалавек, які знаходзіцца ў гэтай турме, атрымаў ліст.
Акцыя пачнецца ў 18:00 ў Беларускім Моладзевым Хабе і завершыцца ў 20:00.
Марына Савіцкая, Беларускае Радыё Рацыя
Artykuł У Варшаве беларусы напішуць лісты палітвязням pochodzi z serwisu БЕЛАРУСКАЕ РАДЫЁ РАЦЫЯ.