Вольга Кронда, якая адбывае «дамашнюю хімію», просіць людзей дапамагчы ёй з заказамі
Асуджаная да трох гадоў «дамашняй хаміі» рамесніца з Івацэвіч Вольга Кронда, якая адбывае «дамашнюю хімію», просіць людзей дапамагчы ёй з заказамі.
Вольга вырабляе дзіцячыя ўпрыгожванні, вышывае ручнікі, шые шапачкі. Невыносна цяжкае матэр’яльнае становішча склалася таму, што на выходныя і іншыя святочныя дні ёй нельга выходзіць з дому. А на руках хворая 5-гадовая дачка, гаворыць Вольга Кронда:
– Я раз у месяц езджу да алерголага і да лора. І раз у месяц здаю кроў з вены. Адзін лекар каштуе 22 рублі, і другі 22 рублі. Зараз яшчэ паставіў на ўлік эндакрынолаг. Гэта трэба будзе і да яго ездзіць, гэта каля 25 рублёў. І плюс праблемы са шчытавіткай. У нас толку не дабіцца. Калі ехаць у Берасце, ці Баранавічы, то трэба плаціць. Таму што ўрач мне сказала, што бясплатна яна можа мяне запісаць толькі на красавік.
Маці-адзіночка Вольга Кронда пакарана трыма гадамі «дамашняй хіміі» за каментары ў інтэрнэце пад здымкам мясцовага міліцыянта Руслана Куцко, які асабліва «адзначыўся» ў жніўні 2020. Яна выплачвае Куцко 3000 рублёў за «маральныя» пакуты, выплачвае 1600 штрафу дзяржаве і судовыя выдаткі. Віны жанчына не прызнала. Ад пакаяльнага відэа адмовілася.
Беларускае Радыё Рацыя
Artykuł Вольга Кронда, якая адбывае «дамашнюю хімію», просіць людзей дапамагчы ёй з заказамі pochodzi z serwisu БЕЛАРУСКАЕ РАДЫЁ РАЦЫЯ.