Літва не пусціла ў краіну вагоны з расейскай дэсантнай сімволікай
Літоўскія памежнікі, правяраючы на памежным з Калінінградскай вобласцю чыгуначным пункце пропуску Кібартай расейскія грузы, заўважылі на некалькіх вагонах, у якіх яны перавозіліся, сімволіку расейскіх Паветрана-дэсантных войскаў. З гэтым транспартам хутка разабраліся, паведамляе ў фэйсбуку літоўская Дзяржаўная служба аховы мяжы.
У адным чыгуначным саставе было тры, а ў іншым — два пустыя вагоны з такой сімволікай. Яны мелі ехаць транзітам праз Літву ў Беларусь. Але літоўцы павярнулі іх назад у Калінінградскую вобласць.
Artykuł Літва не пусціла ў краіну вагоны з расейскай дэсантнай сімволікай pochodzi z serwisu БЕЛАРУСКАЕ РАДЫЁ РАЦЫЯ.