У Беластоку пройдзе фінал 31-га дэкламатарскага конкурсу «Kresy 2022»
У Беластоку пройдзе фінал 31-га дэкламатарскага конкурсу імя Адама Міцкевіча для палякаў замежжа – «Kresy 2022». У адборы да фіналу прынялі ўдзел больш чым 1 800 канкурсантаў з краінаў Усходняй Еўропы і Азіі. У тым ліку каля 100 з іх – з Беларусі.
На думку старшыні Падляшскага аддзелу таварыства «Wspolnota Polska» Анны Кетлінскай – конкурс «Kresy» ёсць візітнай карткай Беластока для яго ўдзельнікаў з Усходу:
–Калі прыязджаюць да нас на конкурс з розных краін, нам, як арганізатарам, важна пазнаёміць іх з Беластокам. Мы думаем, што конкурс «Kresy» з’яўляецца абсалютным амбасадарам Беластоку. Ва ўсходняй частцы Еўропы дакладана. Бо польскі асяродак у Казахстане, Кыргызстане, Расеі – ва ўсіх краінах ведаюць, дзе ёсць Беласток. І ведаюць, як выглядае наш горад. Справа ў тым, каб ад нас з’язджалі з перакананнем, што нас усіх нешта аб’ядноўвае.
Усяго ў конкурсе прыме ўдзел два дзясяткі фіналістаў з дзевяці краінаў, у тым ліку – два з Беларусі. Конкурс адбудзецца ў бліжэйшую сераду ў Беластоку ў Тэатры Вершалін. А ў суботу ў Тэатры лялек пройдзе гала-канцэрт удзельнікаў.
Беларускае Радыё Рацыя
Artykuł У Беластоку пройдзе фінал 31-га дэкламатарскага конкурсу «Kresy 2022» pochodzi z serwisu БЕЛАРУСКАЕ РАДЫЁ РАЦЫЯ.