Адбудзецца пахавальная Святая Імша за Эдуарда Лобава
Малітва за беларуса, загінулага ў баях пад Вугледарам, пройдзе ў суботу 11-га лютага ў 13 гадзін у касцёле св. Аляксандра (пляц Трох Крыжоў, Варшава).
Эдуард Лобаў, актывіст “Маладога Фронту”, быў затрыманы пасля выбараў 2010 года, 4 гады правёў за кратамі, быў прызнаны палітвязнем. Пасля вызвалення выехаў ва Украіну і з 2015 года змагаўся за яе незалежнасць.
Эдуард загінуў 26 студзеня ва ўзросце 34 гадоў ад смяротнага ранення, якое атрымаў, прыкрываючы сабою камандзіра.
Цяпер ідуць перамовы, каб пахаванне адбылося на вядомых у Варшаве могілках на Павонзках. Гэта вайсковыя могілкі, дзе пахаваныя вядомыя дзеячы і тыя, хто змагаўся за незалежнасць Польшчы ў ХІХ-ХХ стст.
Artykuł Адбудзецца пахавальная Святая Імша за Эдуарда Лобава pochodzi z serwisu БЕЛАРУСКАЕ РАДЫЁ РАЦЫЯ.