Калячонак дэбютаваў у сезоне НХЛ з паказчыкам „0”

У чарговым матчы рэгулярнага чэмпіянату НХЛ "Арызона" на выездзе саступіла "Даласу" — 2:4.

Artykuł Калячонак дэбютаваў у сезоне НХЛ з паказчыкам „0” pochodzi z serwisu БЕЛАРУСКАЕ РАДЫЁ РАЦЫЯ.

У чарговым матчы рэгулярнага чэмпіянату НХЛ „Арызона” на выездзе саступіла „Даласу” — 2:4. Беларускі абаронца гасцей Уладзіслаў Калячонак дэбютаваў у гэтым сезоне НХЛ.

Наш суайчыннік правёў на пляцоўцы 11 хвілін 18 секунд, зрабіў адзін сілавы прыём і завяршыў сустрэчу з паказчыкам карыснасці „0” па сістэме „плюс-мінус”.

„Нью-Джэрсі” на выездзе перайграў „Каларада” — 7:5. Беларускі форвард гасцей Ягор Шаранговіч правёў на пляцоўцы 13 хвілін 42 секунды, нанёс тры кідкі, заблакаваў два стрэлы і набраў „-3” па сістэме „плюс-мінус”.

Беларусы згуляюць з літоўцамі ў кваліфікацыі ЧС па міні-футболе

Зборная Беларусі па міні-футболе правядзе сёння ў Ерэване другі паядынак адборавага турніру чэмпіянату свету 2024 года. На паркеце тэхнічнага цэнтра Армянскай федэрацыі футбола падначаленыя Аляксандра Чэрніка згуляюць з камандай Літвы. Паслязаўтра, 4 сакавіка, другая сустрэча з літоўцамі, а 7 сакавіка заключны матч у 4-й кваліфікацыйнай групе з дзейным чэмпіёнам свету і Еўропы зборнай Партугаліі. Становішча ў гэтым трыа зараз такое: Партугалія – 9 ачкоў, Беларусь  і Літва – 0 ачкоў.

Юркін пакінуў пасаду галоўнага трэнера „Мінчанкі”

Расійскі спецыяліст Сяргей Юркін пакінуў пасаду галоўнага трэнера „Мінчанкі”. Пра гэта паведамляе прэс – служба клуба. Бліжэйшыя матчы каманда правядзе пад кіраўніцтвам старшага трэнера Сяргея Кузняцова.

„Мінчанка” пасля 21 тура чэмпіянату Расіі займае дзясятае месца ў табліцы, у актыве каманды 20 ачкоў. Беларускі пацярпелі чатыры паразы запар.

Харашун прызначаны дырэктарам „Мяшкоў Брэст”

Мікалай Харашун прызначаны паўнавартасным дырэктарам „Мяшкоў Брэст”. Ён выконваў абавязкі кіраўніка з канца чэрвеня пасля сыходу з пасады па сямейных абставінах Аляксандра Мяжуева, а зараз пазбавіўся ад прыстаўкі „в.а.”, паведамляе прэс-служба клуба.
У гандболе Мікалай Міхайлавіч працуе з 2014 года, калі заняў пасаду намесніка кіраўніка БГК. На працягу больш за восем гадоў ён займаецца арганізацыйнымі пытаннямі функцыянавання клуба, адказвае за ўзаемадзеянне з уладамі горада і тытульнымі партнёрамі”, — гаворыцца ў паведамленні берасцейцаў.

Гандбалісты „Магдэбурга” выйшлі ў чвэрцьфінал

Гандбалісты венгерскага „Веспрэма” не змаглі напрамую прабіцца ў чвэрцьфінал Лігі чэмпіёнаў. У сваім заключным матчы папярэдняй групы А віцэ-чэмпіёны Венгрыі выйгравалі ў сталіцы Францыі пасля першага тайма ў „Пары Сэн-Жэрмэн” з розніцай у пяць мячоў, але ўтрымаць перамогу на здолелі. У другой палове сустрэчы гаспадары пераламалі ход гульні і ў выніку перамаглі з лікам 37:35. Беларускі легіянер „Веспрэма” Мікіта Вайлупаў не закінуў ніводнага мяча. Такім чынам, услед за парыжанамі пуцёўку ў чвэрцьфінал заваяваў нямецкі „Магдэбург”. Таксама сёння партугальскі „Порту” прыме на сваёй арэне польскую „Віслу” з Плоцка.

Зідан або Энрыке могуць узначаліць „Чэлсі”

Іспанец Луіс Энрыке і француз Зінедзін Зідан сярод кандыдатаў на замену Грэма Потэра на пасадзе галоўнага трэнера „Чэлсі”.

Былы настаўнік „Барселоны” і зборнай Іспаніі з’яўляецца адным з варыянтаў на пасаду трэнера сініх. Таксама „Чэлсі” можа ўзначаліць Зідан, які знаходзіцца без працы пасля мадрыдскага „Рэала”. Абодва спецыялісты разглядаліся зборнай Бразіліі, але „селесаа” зрабілі выбар на карысць Карла Анчалоці.

„Барселона” тройчы абыграла мадрыдскі „Рэал” у апошніх чатырох матчах. Сёння каманды  згуляюць у Кубку Іспаніі

Сёння мадрыдскі „Рэал” прыме „Барселону” ў першым матчы 1/2 фіналу Кубка Іспаніі. Сустрэча на „Санцьягу Бернабеу” пачнецца ў 23.00 па беларускім часе. У апошніх чатырох „класіка” „Барселона” тройчы абыграла „Рэал”, яшчэ адзін матч завяршыўся перамогай мадрыдцаў. У Кубку Іспаніі каманды сустракаліся 35 разоў. 12 перамог на рахунку „Каралеўскага клуба”, 15 разоў перамагалі каталонцы, яшчэ восем паядынкаў завяршыліся ўнічыю. „Рэал” на шляху да паўфіналу прайшоў „Касераньё”, „Вільярэал” і „Атлетыка”. „Барселона” абыграла „Інтэрсіці”, „Метую” і „Рэал Сасьедад”.

Беларускае Радыё Рацыя

Artykuł Калячонак дэбютаваў у сезоне НХЛ з паказчыкам „0” pochodzi z serwisu БЕЛАРУСКАЕ РАДЫЁ РАЦЫЯ.