Юрэвіч узначаліць берасцейскае „Дынама”
Напярэдадні было абвешчана, што берасцейцы скасавалі кантракт з Ігарам Крывушэнкам, які займаў гэтую пасаду.
Artykuł Юрэвіч узначаліць берасцейскае „Дынама” pochodzi z serwisu БЕЛАРУСКАЕ РАДЫЁ РАЦЫЯ.
Пасаду галоўнага трэнера берасцейскага „Дынама” зойме 43-гадовы беларускі спецыяліст Аляксандр Юрэвіч. Напярэдадні было абвешчана, што берасцейцы скасавалі кантракт з Ігарам Крывушэнкам, які займаў гэтую пасаду.
-
Фота: football.by
Апошнім месцам працы Юрэвіча была юнацкая (U-17) зборная Беларусі, адзначае football.by. Пасля чатырох тураў берасцейскае „Дынама” займае апошні радок у турнірнай табліцы, не набраўшы пакуль ніводнага ачка і не забіўшы ніводнага гола.
Ці здольная „Баварыя” адыграць тры мячы ў „Манчэстэр Сіці”?
„Баварыя” сёння прыме „Манчэстэр Сіці” ў матчы ў адказ 1/4 фіналу Лігі чэмпіёнаў. У першай сустрэчы мацнейшымі былі „гараджане” — 3:0. Пераможца супрацьстаяння ў паўфінале будзе змагацца з мадрыдскім „Рэалам”.
Форвард „Сіці” Эрлінг Холанд ужо паўтарыў рэкорд выніковасці АПЛ за сезон, забіўшы 32 мячы, а таксама аформіў 47 галоў ва ўсіх турнірах. Ці змогуць яго ўтрымаць мюнхенцы. Даведаемся ўжо неўзабаве. У другім чвэрцьфінале, нагадаю, сёння сустрэнуцца «Бенфіка» і «Інтэр». У першым матчы перамаглі італьянцы з лікам 2:0.
„Нью-Джэрсі” без Ягора Шаранговіча пачаў за спачын у серыі з „Рэйнджэрс”
„Нью-Джэрсі”, пакінуўшы па-за гульнявой заяўкай беларускага нападніка Ягора Шаранговіча, пацярпеў балючую хатнюю паразу ў першым матчы першага кубкавага раунда з „Рэйнджэрс”. У пераможцаў асістэнцкі покер аформіў абаронца Адам Фокс, а галявы дубль у актыве Крыса Крайдэра. У „д’яблаў” адзіную шайбу, рэалізаваўшы буліт, закінуў Джэк Х’юз. Таксама дэбютант плэй-оф „Сіэтл” нечакана у гасцях перамог паўнамоцнага уладальніка Кубка Стэнлі „Каларада” 3:1.
Чатыры прадстаўнікі Беларусі ўвайшлі ў старт-ліст адкрытага чэмпіянату Францыі па тэнісе
Арганізатары другога ў сезоне тэніснага турніру серыі „Вялікага шлема” – адкрытага чэмпіянату Францыі апублікавалі папярэднія спісы ўдзельнікаў адзіночнага разраду. Сярод іх чатыры прадстаўнікі Беларусі.
У старт-ліст жаночых спаборніцтваў увайшлі беларускія тэнісісткі Арына Сабаленка, якая ў пачатку гэтага года выйграла першы ў сезоне турнір „Вялікага шлема” – адкрыты чэмпіянат Аўстраліі ў Мельбурне, а таксама экс-першая ракетка планеты Вікторыя Азаранка і Аляксандра Сасновіч. У мужчынскім турніры згуляе Ілля Івашка.
Адкрыты чэмпіянат Францыі пройдзе на адкрытых грунтавых кортах „Ралан Гарос” у Парыжы з 28 траўня па 11 чэрвеня.
Беларускае Радыё Рацыя
Artykuł Юрэвіч узначаліць берасцейскае „Дынама” pochodzi z serwisu БЕЛАРУСКАЕ РАДЫЁ РАЦЫЯ.