Новости за 10.05.2018

Австралерчу 104 шо долчу биолого Гуделл Дэвида шен лаамехь дIадерзийна шен дахар Швейцарехь. Иза велла лоруш ву Стигалкъекъа-беттан 10-чу дийнахь 12 сахьт ах сахьт даьлчхьана аьлла, дIакхайкхийна Exit International вовшахтохараллан директоро Нишке Филиппа. Гуделл Швейцаре веанера эвтанази ян бакъонах пайда эца. Британехь винчу цу Iилманчо дийцара, шен лаамехь дуьне дитарх лаьцна ша ойла еш вара тIаьхьарчу ткъех шарахь, амма эвтаназех лаьцна ойла ян волавелла ша тIаьхьарчу цхьана шарахь, дегIо аьлларг деш ца хиларна, бохуш. Читать дальше...

Венерчу университетехь дIаяьхьира "Европа а, цуьнан бусалба нах а" цIе йолу конференци. Цигахь дакъалоцуш бара университетан профессорш а, исламан вовшахтохараллийн куьйгалхой а. Конференцехь дийцира бусалба нах Австрин юкъараллан дакъа хилла дIахIиттарх лаьцна хаттарш.

Нохчийчуьрчу парламентан спикеро Даудов Мохьмада стохка даьккхина 9 миллион 200 эзар сом. Цуьнан зудчо даьккхина 940 эзар сом. Иза гойтуш ю Даудовс йовзийтина шена 2017-чу шарахь хиллачу пайданах лаьцна деклараци, хаам бо Кавказ.Реалиино. 2016-чу шарахь Даудовна хилла пайда бара 6,5 миллион сом барамехь. Хьалха санна долахь кхин хIусамаш яц цуьнан (цIа а, латтан дакъа а ханна лелош ду). ТIаьхьарчу шарахь Даудовс эцна Mercedes-Benz AMG 63 машен. Цуьнан базарахь болу мах бу 7 миллион гергга сом.

Оьрсийчоьнан 4 эзар сов махкахо ву Шемахь "экстремистийн тобанашкахь" тоIм беш, хаам бина арахьарчу гIуллакхийн министралло. Цунах лаьцна яздо ТАСС агенталло. Оьрсийчоьнан арахьарчу гIуллакхийн министран когаметто Сыромолотов Олега бинчу хаамца, 3 эзар Оьрсийчуьрчу вахархочунна дуьхьал долийна ду бехктакхаман гIуллакхаш. 3 эзар 700 стаг лехаме велла Оьрсийчоьнан Iедало. Сыромолотовс чIагIдарехь, "экстремисташ Оьрсийчу цIа берза лууш бац, цIахь шайна "луьра а, бакъ долу а таIзар" дийр дуй хууш.

Iамеркан Израилехь йолчу дипломатин миссино шен Twitter-хь долу адрес хийцина, Тел-Авивера Къудсе векалалла дехьайоккхуш хилар гойтуш. Цунах лаьцна хаам бина Iамеркан дипломаташа. "Iамеркан векалаллан агIоан цIе хийцина @USEmbassyJerusalem" аьлла", -  яздина цара. Iамеркан президенто Трамп Доналда стохка, 2017-чу шарахь, ГIура-беттан 6-хь, леррина дIахьедар дира, Къудс (Иерусалим) Израилан коьрта гIала хилар даре дарх лаьцна. Цо омра дира гергарчу хенахь Цхьаьнатоьхначу Штатийн Тел-Авивера векалалла цига дехьаяккха аьлла.

Цхьааллин Оьрсийчоь партин депутаташа Пачхьалкхан Думе кховдийна кхиазхой Iедалша магийна йоцчу митингашна юкъаийзорах лаьцна низаман проект. И низам дохийначу нахана я гIуда тухур ду 500 эзар соьме кхаччал, я чубухкур бу, 15 де ха а тоьхна. Чиллан-баттахь Путин Владимира декхарелахь йира чоьхьарчу гIуллакхийн министралла, кегийрхой магийна йоцучу акцешна юкъаийзо гIертачу тобанаша лелош дерг "хаддош сацаде", ткъа церан куьйгалхой жоьпе ийзабе аьлла. Кху беттан 5-чохь Оьрсийчуьрчу гIаланашкахь... Читать дальше...

Нохчийчоьнан парламенто кечйина Оьрсийчоьнан президентан даржехь йокккху хан яхъярца доьзначу низаман проектан мах хадийна Оьрсийчоьнан Пачхьалкхан Думехь, хаам бо РИА Новости агенталло. Цхьана стеган бакъо хила еза, юкъах а ца волуш, кхузза президент хила аьлла, Конституцина тIехь хийцам барх доьзна хаттар дерриг къам реза хилар оьшуш ду, боху Пачхьалкхан Думан конституцица доьзначу низамашкахула а, пачхьалкхан кеп хIотторехула а комитетан куьйгалхочуьнан когаметто Емельянов Михаила.   "Суна хетарехь... Читать дальше...

Къилбаседа Корейхь маьршаваьккхина кхо Iамеркахо тIехь волу Iамеркан пачхьалкхан секретаран Помпео Майкан кема охьахиъна Мэриленд штатерчу Эндрюс тIеман-хIаваан базехь. Царна духьал вахана вара Iамеркан президент Трамп Доналд. КIайн ЦIен зорбанан сервисо бинчу хаамца, маьршабаьхна Iамеркахой  лоьрашка гIо дайта эшахь а  аьлла дIабигна Мэрилендерчу Къоман тIеман-медицинан центре. Къилбаседа Корейхь маьршабаьхнарш берш а корейхойн къомах бу. Уьш болх беш хилла Пхеньянерчу Iилманан а, технлогийн а университетехь.

Германин Iедалша кечйина цу пачхьалкхехь дозатоьхна тховкIело еллачу мухIажирийн доьзалш вовшахкхетарх лаьцначу низаман проект. Цунах лаьцна хаам бо Deutsche Welle зорбанан гIирсо. Нагахь и документ къобулдахь, 2018-чу шеран Марсхьокху-баттахь дуьйна мухIажирашна бакъо лур ю шайн хIусамдай а, хIусамнаной а, бераш а Германе дIакхайкха. Да-нана дIакхайкха бакъо хир ю цу махкахь мухIажиран статус йолчу кхиазхойн а. ХIора баттахь Германино тIеоьцур ву цу низамца цу махка вогIуш волу цхьа эзар стаг. Читать дальше...