Новости за 07.11.2018

Нохчийчуьрчу Итон-Кхелара вахархо Шемарчу гIаттамхойх дIакхетта аьлла, шеконашка эцна ницкъаллийн структураша. Масех шо хьалха "Исламан пачхьалкх" шех олучу тобанах дIакхета Шема дехьаваьлла хилла вуьйцу жимстаг. "Иза Шемарчу тIамехь дакъалоцуш хиларх тоьшаллаш доллушехь, меттигерчу талламчаша дуьхьало йинера бехкзуламан гIуллакх цунна дуьхьал доло. Прокуроран талламашкахь гучудаьлла, низам талхийна хилар",- аьлла, "Кавказан узел" агенталле дийцина республикерчу прокуратуран векало. Цо чIагIдарца... Читать дальше...

Азербайжданерчу банкан хиллачу куьйгалхочун зуда Хаджиева Замира дIалаьцна Лондонехь. Harrods олучу йохка-эцаран туьканахь фунташкахь 16 миллион ахча а дайина, кхин а 20 миллионна чу-ара ца баккхалун бахам а эцначул тIаьхьа лаьцна иза. Полицино толлуш ду, стенгара даьлла банкхочун хIусамнанна оццул ахча. "Би-Би-Си-н" оьрсийн маттарчу сервисо хаамбарехь, 55 шо ду Хаджиева Замирин. Азербайджанерчу Дуьненаюкъарчу банкан хиллачу куьйгалхочун Хаджиев Джахангиран зуда ю иза. Ахчанашца хьарамлонаш лелорна а... Читать дальше...

UFC-н чемпионе, дагестанхочуьнга Нурмагомедов Хьабибе шен гIоьнча хилар дехна Дагестанан куьйгалхочо Васильев Владимира. РогIерчу церан цхьанакхетарехь дийцаредийр долуш ду и хаттар, хаамбо ТАСС агенталло. "ХIаъ, республикан урхалхочо шен гIовс хила аьлла соьга, кеста вовшахкхета везаш ву тхойшиъ, цигахь жоп лур ду ас", - аьлла Нурмагомедовс. Дагестанан лаккхара совгIат дина латархочунна шинаридийнахь, ткъа цуьнан дена Нурмагомедов Iабдулманапна а, тренерна а мидалш елла спортехь кхиамаш бахарна аьлла. Читать дальше...

"Исламан пачхьалкх" шех олчу тобан декъашхоша байина дIабоьхкина нах карийна Цхьанатоьхначу Къаьмнийн Организацина (ООН) Иракъан Къилбаседанехь а, Малхбузехь а. Шинаридийнахь ООН-ан векалша Iорабаьккхина и хаам. Хьалхо даIишхоша шайн долахь латтийначу пачхьалкхан кIошташкахь лаьттах боьхкина хилла и нах. Масех эзарнашкахь байина нах бу буьйцурш, амма билггал маса стаг ву ала хала ду, аьлла ООН-ан Иракъерчу векало Кубиш Яна. Беллачийн чалхийн талламаш беш, белхаш болийна говзанчаша. ЦIераш евзинчул тIаьхьа дIалур ду церан декъий гергарчаьрга. Читать дальше...

Кху беттан 1-чу дийнахь Венехь догучу цIа чуьра нах арабохуш гIо дина хиллера нохчийн кхаа жимчу стага. ЦIе дIаяйинчул тIаьхьа тапъаьлла къайлабевлла хиллера уьш. Инцидентан декъашхоша социалан машанашкахула лоьхуш бара кегийрхой. Венера нохчийн, гIалгIайн кхеташонан къаной юкъагIоьртича схьакарийнера уьш. Болчу хаамашца уьш бу СаидовгIеран вежарий Iадлан а, Бекхан а, церан нуц Шидаев Аслан а. Кхи цхьаъ а хиллера цаьрца, амма шен цIе яккха ца лаарна, иза къайлехь вуьссу.

Вашингтоне керла санкцеш дуьхьал ца яхийта шайна тIедехкина декхарш кхочуш ца дина Москоха аьлла, хаамбина Конгрессе Iамеркан Цхьанатоьхначу Штатийн департаменто. Санкцийн шолгIа пакет юкъаяккха дийцарш деш ду Iамеркан Iедалша. Пачхьалкхан департаментан официалан векало Нойерт Хизера дIахьедарца, химин герз лелорна тIехь терго латторан Iамеркан низамо Оьрсийчоьнна дуьхьал керла санкцеш яхар могуьйту. Кху аьхка санкцин хьалхара пакет юкъаялийра Британехь ГРУ-н полковникна Скрипаль Сергейна а, цуьнан йоIна Юлияна а дIавш деллачул тIаьхьа. Читать дальше...

Нохчийчуьрчу Теркйистехь шерашкахь лаьттина дов дерзийна кху деношкахь. Мехкан муфтийн гIовс хьалха а ваьлла, берта бахийтина меттигерчу ИсламовгIеран гергарнаш Дагестанерчу АбуллаевгIеран цIенца. Некъан бохамехь луларчу республикан вахархочун карах валар нисделлера Теркйистерчу Исламовн. Маршо Радионо яздира шен агIонашкахь, Кхарачойн-Чергазийчоьнан Лаккхарчу кхело итт шо хан тохарх, чIир йоькъуш ши стаг вийначу Алборов Игорна.

Шен даржах пайда оьцуш, хьарамлонаш лелийна аьлла, шеконашкахь латточу Малгобекан мэро Мамилов Шарпуддис дарж охьадиллина шен лаамехь, хаамбина гIалин администрацехь. Талламчийн версица, харц кехаташ а кечдина, электромашан компанин доладаьккхинера цо 63 сов миллион сом. 2016-чу шарахь дуьйна вара Мамилов Малгобекан администарцин куьйгаллехь. "Интерфаксо" шайн хьосташна тIе а тевжаш Iорадаккхарехь, шен лаамехь дарж дIатесна цо. Дийцарехь, регионерчу кегийрхойн гIуллакхашкахула йолчу комитетан хилла... Читать дальше...

Оьрсийчоьнан эскарехь гIуллакх дан хьажийна Нохчийчуьра 70 жимстаг. Соьлжа-ГIалин тIеман коммисариатехь гулбеллера уьш новкъабаха официалан даржхой а, эскаре боьлхучийн дай-наной а. Маршо Радионо яздира, президентан Путин Владимиран омраца а догIуш, Оьрсийчоьнан эскарехь гIуллакх дан 132,5 эзар махкахо тIекхайкхарх. Цхьа шо хьалха цу нехан терахь дара 136 эзар стаг. Меттигерчу бахархошна хетарехь, эскаран гIуллакх кхочушдинчу жимачу стеган алсам аьттонаш бу болх каро а, ницкъаллин структурийн декъашхо хила а. Читать дальше...

Нохчийчуьрчу Гуьмсехь газ иккхина, кхаа стагна чевнаш йина аьлла, хаамбо "360" гIирсо. Дийцарехь, лазийнарш дарбан цIийнехь бу чолхечу хьолехь. Юьхьанца элах цIе яьлла аьлла, даьржира, амма цIе дIа а яйина, таллам бича билгалдаьлла иккхинчу газан тIаьхье хилар. Бахьанаш толлуш, зулам хиллачу меттигехь гулбелла полисхой бу. Маршо Радионо хаамбира, Чиллан-баттахь а Нохчийчуьрчу Эвтарахь газан баллон иккхина 10 стаг, шайлахь 4 бер а долуш, лазорах.

Нохчийчуьра 17 шо долу Гойсултанова Мадина тоьлла дIаяьхьначу музыкин телевизионан къовсамехь. RU.TV телеканалан эфирехь гайтира къаьмнийн гIуллакхашкахула йолчу Федералан агенталло вовшахтоьхначу конкурсан финал. Къовсамехь илли олучийн жамIаш деш бара телеканалан коьрта редактор, RU. TV-н инарла продюсер Богомолов Михаила, продюсер, композитор Матвиенко Игорь, "Город 312" тобан йишлакхархо Назаренко Светлана а. Йоллу Оьрсийчуьра 13 шарера 17 шаре кхаччалц долу бераш дара конкурсехь дакъалоцуш. Читать дальше...

Латтанаш минех дIацIандар карара бутт берззалц дIадахдина Нохчийчохь, маьлхан денош латтарна. Ткъа ГIалгIайчохь хьалхара ло охьадилларца берзийна белхаш. Кхааридийнахь бина и хаам Къилба тIеман гонашкарчу пресс-гIуллакхочо Астафьев Вадима. "Ло доцуш, денош довха латтарна бутт чекхбаллалц Нохчийчуьра лаьмнийн, хьаннийн территореш минех цIанъян дагахь ду тхо", - аьлла Астафьевс. Цо бахарехь, дахначу шеран бIаьста дуьйна эскаран сапераша шина а республикехь минех цIандина 1,7 эзар гектар латтанаш. Читать дальше...

Кху беттан 1-чу дийнахь Венехь догучу цIа чуьра йоккха стаг кIелхьараяьккхина нохчий лийхира Интернетехь масийтта дийнахь, дуьйцу "Кавказ.Реалии" порталан корреспонденто. Полисхоша дийцарехь, нах чохь бехачу доккхачу цIа чуьра шолгIачу гIат тIерачу петар чохь яьлла хиллера цIе. Луларчу хIусамашкахь бехачарна гина хиллера цIеяйархой схьа а кхачале чуьра хьалаоьху кIур. Орцахваьллачу кхаа жимчу стага неI йохош, чу а лилхина, араяьккхинера 87 шо долу меттахь йиссина йоккха стаг. Орцанхой тIекхаьчначул... Читать дальше...