Новости за 05.03.2019

Жигархошца а, меттигерчу пачхьалкхан хьукматийн белхахошца а, Наманганан кIоштарчу кегийрхошца а шен хиллачу цхьанакхетарехь Узбекистанан президенто Мирзиёев Шавката дIахьедина, чоьхьарчу гIуллаккхийн министраллан белхахой азбала беза аьлла, хаамбо "Настоящее время" канало. "Вайна ца оьшу сов дилха долу я эпсар а, я полисхо а. Зуламхой муха лоьцур бу цо оцу хьолехь? Спортах тасало. Суна оьшуш ма дац и, церан могушаллина оьшуш ду. Вай хан лур ю царна: кхоъ, я ялх бутт. Оцу заманчохь шайн дегI кепе а даладе... Читать дальше...

"Декоммунизаци" аьллачу юкъаралхойн проектан ши жигархо дIалаьцна шинарийдийнахь Кремлна гергахь, Сталинан коша тIе зезагаш дохкуш, акци дIахьочу заманчохь. "ОВД-Инфо" хьостане дийцина дIалецначара, ткъа цхьахверг дIалоцучу хенахь "Дождь" телеканало яьккхина видео а ю. Цу тIехь гуш ду, жигархочо Сучков Евгенийс Сталинан хIолламна тIе кагдина зезаг а кхусуш, мохь тухуш: "Жоьжахатехь вага, халкъан чалтач, зударий а, бераш а дайинарг!" аьлла. Ишта шолгIа дIалаьцначу Савченко Ольгас дийцарехь, цо а ластийна хилла  хIолламна тIе кагдина гводика. Читать дальше...

Дерригдуьненан Исламан Лиган Лаккхарчу кхолларан кхеташонан декъашхо хIоьттина Нохчийчоьнан муфтий Межиев Салахь-Хьаьжа.

"Эхо Москвы" радиостанцин коьртачу редакторо Венедиктов Алексейс латкъамбина Оьрсийчоьрчу Лакхарчу кхеле, Роскомнадзоро шайна тоьхначу гIуданна дуьхьал. "Президентан харжамашкахь кандидат хилла Собчак Ксения Нохчийчу яхарх а, цигахь иза сийсазъярх а лаьцначу материалан гиперссылка хIотторна, Роскомнадзоро гIуда тоьхнера радиостанцина. И къовсуш Лакхарчу кхеле арз дина ас", - яздина Венедиктовс шинаридийнахь шен Telegram-каналехь. Цо доьху Лакхарчу кхеле, "гиперссылка" бохучух кхелахой кхетор. ... Читать дальше...

Италхойн  "Хафнер" компанино индустри кхуллур ю Нохчийчохь нехаш юхакечъеш. 1, 9 миллиард сом мах болуш ю юьйцу проект. "Хафнер" компанин векало Ладинзер Клауса а, Нохчийчоьнан премьер-министро Хучиев Муслима а куьйгаш яздина юкъахь болх бан. Италхойн бизнесхочо дийцарехь, 25 эзар тонн нуьцкъалла йолчу индустрино нехаш юхакечйина ца Iаш, лур ю электроэнерги а.

Оьрсийчоьнан къинхьегаман министралло шен сайтехь Iорадаккхарца, карарчу шарахь уггар лакхара гойту белхазалла ГIалгIайчохь а (8,7), Нохчийчохь а(8%). Статистийн терахьех комментари йитина Нохчийчуьрчу къинхьегаман урхалло. "Схьаоьцур вай 90-гIа шераш. Нохчийчохь тIеман ши компани йоьдучу заманчохь, кхийолу регионаш кхуьуш ма яра. Йоллу экономика тIеман шерашкахь хIаллакхилира. Ца кхуьура индустри, юьртан бахам. Делахь а, урхалле Кадыров Рамзан веача, хьал орамера дуьйна хийцаделира. Республикехь... Читать дальше...

Шо хьалха Британерачу Солсбери гIаларчу дарбан цIийне кхачийра Оьрсийчоьнан вахархо Скрипаль Сергей а, цуьнан йоI Юлия а. ГРУ-н белхахо хилла ву Скрипаль Сергей. Шпионаж лелийна аьлла, набахте хьажийра иза, амма хенал а хьалха маьршаваьккхира иза. Цул тIаьхьа Британехь дIалецначу оьрсийн шпионех хийцира иза. "Настоящее время" телеканало карлайоккху СкрипальгIеран истори.

Нохчийчоьнан зорбан министран Умаров Джамбулатан блогерца Абдурахманов Тумсоца онлайнехь динчу къамелех вистхилла мехкан куьйгалхо Кадыров Рамзан. Цунна хетарехь, хьакъйолу аргументаш ца тоьъна министрна блогерна жоп лучу заманчохь. Шен дас лелийначу некъаца галморзахаллаш ца го шена аьлла, дIахьедина Кадыровс. "Пайхамара гIазот кхайкхийра, цул тIаьхьа иудейшца машар бира", - дIахьедо Нохчийчоьнан куьйгалхочо, шен дас гIазот кхайкхорца а дустуш. Министран а, блогеран а онлайн-дискуссина комментари еш... Читать дальше...

Пачхьалкхерчу регионашлахь шо карадеачхьана алсам чагIар мийлина Ненецкан автономин гонашкарчу бахархоша, хаамбо шинарийдийнахь RT телеканало, федералан а, регионан алкоголан туьканашкара хьал луьстучу Центран (ЦИФРРА) хаамех пайда а оьцуш. ШолгIачу могIарехь вино дукха оьцучарлахь дIатаръелла Санкт-Петербург. Ткъа кхолгIа меттиг екъна Москван, Мурманскан кIошташа а, Карелис а. ЦИФРРА-н зерашца, кIезиг чагIар муьйлучех ю аьлла, къастийна Къилбаседа Кавказ.