Новости за 16.05.2019

Ницкъаллийн структурашкарчу белхахоша йиттина, кIант вийна ГIалгIайчуьра 78 шо долу Долиева Лемка Магасан кIоштан кхеле яьлла. Оьрсийчоьнан чоьхьарчу гIуллакхийн министраллера 15 миллион компенсаци тIейожор доьху зудчо. "Кавказ.Реалии" портале бина цунах хаам зудчун адвокато Сабинин Андрейс. 2016-чу шарахь ницкъахоша йиттина вийра 50 шо долу Долиев Мохьмад ГIалгIайчоьнан экстремизмна дуьхьало латточу центран гIишло чохь. Оцу гIуллакхан хьокъехь дIалецира регионерчу "Э" Центран куьйгалхо Хамхоев Тимур а... Читать дальше...

Магасехь хиллачу митинган рогIера декъашхо лаьцна ГIалгIайчохь. Де хьалха Сунжера Аушев Аслан ша тIевеана хиллера Сунжа кIоштан полисхойн декъе, ша тIевехча. Административан низам дохорца доьзна хир ду къамел аьллера цуьнга. Цигара Магасан кIошта кхеле а вигира Аушев, Зазадоккху-беттан 26-чохь митингехь хиларна гIуда тухур ду аьлла. Кхелан хIусамчуьра Аушевс телефон тоьхна шен гергарчу нахе, ша Нальчике дIавуьгуш ву, Iедалхойн векална дуьхьало йина аьлла, дийцина "Кавказ.Реалии" портале меттигерчу "Яблоко" партин куьйгалхочо Муцольгов Руслана. Читать дальше...

Настоящее Время                                                                                                    (Карара Хан) Бишкеко лаьцна, изоляторе кхачийна, цомгуш ву аьлла, набахтера нохчо Батукаев Iазиз аравалийтина зуда - могашаллин министран гIовс лаьттина Сагинбаева Динара. 2011- 2014 шерашкахь Iийна министран когаметта Сагинбаева Динара. Иза лацарх йолу информаци яржийна гIиргIазойн "ИА 24.kg"  а, "КирТАГ" а агенталлаша чоьхьарчу гIуллакхийн министраллин хаамна тIе а тевжаш. ... Читать дальше...

Толаман денна лерина Соьлж-ГIалахь хIоттийначу тIеман гайтамехь "Маршо Радион" объективо лаьцнера цхьа шашаха, вуно хаза дIаса а техкаш, курачу боларахь вогIу эскархо. Ах китал дIалаьцнна яра мидалш, тайна, къона вара ша – дара къонахчун ша-шех дозалла дал куц. И сурт тайначу махкахоша, толамхочун васте а ваккхина, смукънечу мемашкахь гайта волийна жима стаг.

Европан кхело сацамбина, нагахь даймахкахь мухIажирна кхерам белахь, къиза зуламхо иза велахь а, Евробертан пачхьалкхера цунна экстрадици ян мегар дац аьлла. Шога зулам цунна догIуш делахь а, тховкIело ехначу махкара арваккха мегар дац иза боху цара. Дахначу шинаридийнахь Европан Кхело тIеэцна цу кепара сацам. ТховкIелонах ваккхахь а, Евробертан низамашца цунна бакъо яла туьгуш дацахь а, Iалашъян еза мухIажиран бакъо, мигрантийн статусех Женеван Конвенцино еллачу тароне хьаьжжина аьлла, хьесап дина Люксембургерчу суьдхоша. Читать дальше...

Байначу беттан тIаьххьарчу деношкахь Москварчу Дмитровехь гIалгIайн депутатан Мамилов Закрин кIентан хIусамах хьовсарх керла информаци гучуяьлла. "Кавказ.Реалии" портале парламентхочо дийцарца, шина баттана дIалаьцна цуьнан кIант "терроран акт" аьллачу артиклна бехкевина. "Карарчу заманчохь Кашир гIаларчу СИЗО-хь латтош ву иза. ДIасавалар а доьхкуш, иза цIахь витийта гIиртира тхо, амма цунах аьтто ца белира. Цхьа тамашен хьийзара и суьдхо - цхьангга а ладугIуш вацара, адвокаташ юкъахбохура дуьйцучуьра... Читать дальше...

Идрисова Барият Стенна йоьжна Дагестанан куьйгалхочун рейтинг? Дагестанан куьйгалхо Васильев Владимир Оьрсийчоьнан регионийн лидершлахь уггаре ледарчу иттаннах ву – иштта боху президенте Путин Владимире статисташа (РБК-но) кховдинчу рейтинго. Бинчу талламо гайтарехь, уггаре сиха рейтинг йоьжначу итт губернаторх ялхалгIаниг ву Васильев. Даржера дIаваккха веза аьлла уггаре дукха наха цунна а, ишта ГIалгIайчоьнан куьйгалхочунна Евкуровна Юнус-Бекна а – нахана цавезачу итт куьйгалхочун могIарахь гойту рейтинго и ши хьаькам. Читать дальше...

Карарчу беттан 20-чохь дуьйна Украинан президентан декхарш кхочушдан волалур ву Зеленский Владимир. Еаридийнахь 315 депутат реза а хилла, Лакхарчу Радас сацам тIеэцна, инаугураци хинйолу де билгалдоккхуш. Президентан харжамийн шолгIачу этапехь Зеленскийс толам баьккхинчул тIаьхьа дуьйна къийсарш дара инаугурацин денна гонах долийна. Керлачу президенто церемони кху беттан 19-чохь хилийтар дехнера. Цхьа могIа депутаташа хьоьхура беттан 28-чу дийнахь , йа Мангал-беттан 1-чохь хилийта бохуш. Порошенко Петран агIончашна бехкбиллира Зеленскийс... Читать дальше...

Багдадерчу шайн векалтера белхахойн доккхахдолчу дакъана эвакуаци йина Iамеркан Цхьанатоьхначу Штаташа, хаамбо Reuters агенталло. ГIажарийчоьно лелориг бахьана долуш, белхахойн кхерамзалла Iалашъярхьама бина ишта сацам, чIагIдо Iамеркан пачхьалкхан департаменто. Дипломатин миссин белхахой боцурш а, Iамерко ишта юхакхайкхина Иракъан къилберчу курдойн автономин провинцин Эрбил гIалахь йолчу консулаллан персоналан цхьа дакъа а. Даймахка дIахьовсийначу Iамеркахойх кхи совбаьккхина хаам бац. Оцу юкъанна... Читать дальше...

Нохчийчуьрчу Хьалха-Мартан кIоштан хьаннашкахь лаьттах доьллинчу герзан къайле яьстина полисхоша аьлла, информаци яржийна регионерчу тIеман комендатурехь. Хетарехь, оцу кIоштахь леллачу тIемалойн хиллачух тера ду даьккхина герз. "Хьулйинчу къайленехь карийна гранатометан патармаш а, тротилан шашканаш а, куьйга лоьлхуьйтурш ен компоненташ а, гранаташ а, ишта тIеман кхиболу гIирс а" , - аьлла, дийцина "Кавказский узел" агенталле Нохчийчуьрчу тIеман комендатуран векало.

Оьрсийчуьрчу 65 процент доьзалан тIаьхьалонна аьлла, охьадиллина ахча дац, и терахь хийцалуш дац 2012-чу шарера схьа дуьйна аьлла ду, "Левада-центран" социологаша бинчу талламийн жамIаш. Ахча гулдан таро ю лаккхара алапаш долчу хIусамехь. Доккхачу декъанна уьш бу яккхийчу шахьарашкахь бехарш. Ишта эксперташа тергоне эцна, ахча IаIо зама ю хIара аьлла хетий-те Оьрсийчоьнан бахархошна. 32 процент респонденташа зама дика яц аьлла. Дика ю, йа вон зама ю ала ца хаьа шайна аьлла, соцунгIа дIахьедина 38 %. Читать дальше...

Кхааридийнахь цхьанакхетар хилла Нохчийчоьнан чоьхьарчу гIуллакхийн министран Алханов Русланан а, бакъонашларъярхочун Саратова Хедин а Соьлжа-гIалахь. Террорхойх дIакхета арабевлча, полисхоша дIалецначу кегийрхойн кхолламех дийца Iалашонца дара шайн цхьанакхетар аьлла Саратовас. Дахначу оршотдийнахь дийца даьккхира, байначу баттахь а, кху деношкахь а ницкъахоша гIаттамхой бу аьлла, кегийрхойн тоба дIалацарх. Бакъонашларъярхочо дийцарца, цуьнга орца дехна лецначийн гергарчара а, юьртахоша а. Шайн берийн бехк хиларх мукIарло до цара... Читать дальше...

Нохчийчоьнан прокуратуран официалан агIон тIехь бинчу хаамца, туьканашкахь а, базарашкахь а юучун мехаш тIекхетаран бух толлур бу прокуратуран белхахоша. Мархийн бутт карабеачхьана мехаш дистина бохуш, дийцаредаьккхина Интернетехь а, социалан машанашкахь а. Меттигерчу бахархоша тIечIагIдо, бежанан жижиган мах 290 соьме баьлла, устагIан жижигах доьху 400 сом бохуш. Иштта билгалдоккху, марзолгийн мехаш а хьалабовлар. Хьалхо прокуратуран белхахоша сацийра 43 туьканахь хан тIехъялийтина сурсаташ йохкар... Читать дальше...