Новости за 19.10.2019

"Новая газетан" журналисто Милашина Еленас комментари елла, Нохчийчоьнан куьйгалхочо Кадыров Рамзана шена нохчашлахь цIийнда лаха веза аьлла, динчу дIахьедарна дуьхьал. «URA.RU» хьостан корреспонденте дIахьедина цо, йийцаре ен тема яц иза аьлла. "Журналистийн тема яц иза, нахана цхьацуьрриг интересе хиндолу хIума а дац. Тема ю-кх – тахана Нохчийчохь адамийн бакъонаш хьешар", - аьлла Милашинас. Цо билгалдаьккхина, республикан Iедалхойн адамашца йолчу юкъаметтигех ду дийца оьшург аьлла. "Грозный"... Читать дальше...

Оьрсийчоьнан чоьхьарчу гIуллакхийн министраллана чуйогIучу Краснодарскан университетан квалификаци лакхайоккхучу Институтан филиалан ши студент Нальчикехь летта, цу шиннах цхьаъ велла аьлла яздо "Лента.ру" хьостано, "Омбудсмен полиции" телеграм-каналан бух тIехь. Каналан информацица, Карелерчу "Гром" спецназан гIуллакхдархо хилла велларг. Ткъа цуьнан оппонент Кадыров Ахьмадан цIарахчу ППС-н белхахо ву. Яхначу буса меттигерчу хенаца 21:40 минот яьлча иккхина ю инцидент. Кхаа студентна а, Кадыров... Читать дальше...

"Новости" агенталло, гIалин администрацин хаамна тIетевжина яздо, Магасан мэран декхарш ханна кхочушдеш хиллачу Марзиев Мохьмада шегара дарж охьадиллина аьлла. Цхьана баттахь сов хан яьккхи Марзиевс мэран гIентахь. ГIалин куьйгаллехь лаьттина Цечоев Беслан шен лаамехь балхара дIаваьлча Гезгмашин-беттан 20-чохь хIоттийнера Марзиев. Агенталлан хаамца, тIейогIучу хенахь шахьаран мэран декхарш ханна кхочушдийр ду Арсамаков Руслана.

Шемарчу конфликтан шина а агIоно - Туркойчоьно а, шемахойн курдаша а- вовшашна бехкаш дохку, еаридийнахь Iамеркан вице-президент Пенс Майк Хонкара веача бина барт бохорна. Туркойн тIеман министралло динчу дIахьедарехь боху, туркаша "террорхой" лоручу курдаша дахначу 36 сахьтехь 14-зза тIелатар дина Туркойчоьнца дозанехь йолчу Рас-ал-Iайн гIалахь. Ткъа шаьш бинчу бертаца схьадогIуш ду боху туркойн Iедалхоша. Курдоша емалйо Туркойчоь Рас ал-Iайнерчу шайн позицешна тIелетарна. Ткъа тергамчаша динчу зерашца... Читать дальше...

Экстремизмна бехкебина, Мисарахь дIалаьцна набахтехь латточу гIалгIайн гIуллакхна юкъаялийна зуда – Салиходжаева Зулхумор. 40 шо долу и зуда ГIиргIазойчуьра орамаш долуш ю. "Кавказ.Реалии" портале цунах хаамбина лаьцначун йоIа.  Ах шо сов заманчохь Салиходжаева КъахIирехь гIалгIайн тутмакхашца Плиев Рамзанца а, Чемурзиев Исмаилца а, Аушев Илезца а,  Дзейтов Iелица а цхьана камера чохь яллийна. Цхьана тобанан декъехь хилла ю бохуш, бехкееш ю иза а. Цуьнан йоIа дийцарехь, талламхоша, бевзий хьуна гIалгIайн студенташ аьлла... Читать дальше...

Нохчийчуьра бахархой юкъахь болчу Оьрсийчоьнан тIеман полицино Шемахь къепе меттахIоттош доккха дакъалаьцна аьлла, билгалдаьккхина Нохчийчоьнан куьйгалхочо Кадыров Рамзана. "Шемахь нохчийн эскархой бац. Нохчийчохь куп тоьхна Оьрсийчоьнан тIеман дакъош ду. Шема хьовсийначу дакъошлахь дукхахберш Нохчийчуьра бахархой бу", - аьлла Кадыровс "Интерфаксна" еллачу интервьюхь. Меттигерчу маьршачу бахархойн кхерамзалла Iалашъеш, маьршачу дахарехь уьш дIатарбеш, царна гуманитаран гIо деш схьабогIу уьш, Кадыровс бахарехь. Читать дальше...

ПIераскандийнахь ОвхIанистанан малхбалерчу маьждигна динчу тIелатарехь мел лахара а 30 стаг велла. Нангарсхан провинцин губернаторан векало дийцина журналисташка, маьждиг чохь масех оьккхуьйтург хилла йоьллийна аьлла. Джавдара олучу кIоштахь хилла ду экстремистийн тIелатар. Эккхийтар дича тIебоьжна маьждиган тхов. Меттигерчу наха дийцарехь, чухаьрцина хилла йоллу маьждиган гIишло. Провинцин кхеташонан депутато бахарехь, белларш боцурш а, 100 сов стагна чевнаш йина. Бусулбанаш ламазна моллас дIакхойкхучу юкъанна дина эккхийтарш. Читать дальше...

Балхара дIабаьхначул тIаьхьа, "къайлахчу набахтешкахь" латтош хилла баьхначу хьаькамаша шайх лаьцна яржийна информаци харцйина. Орцан министраллан куьйгалхо лаьттинчу Яхъяев Руслана а, ГИБДД-н урхаллера дIаваьккхинчу Денилханов Шамхана а бахарехь, карарчу хенахь шарахь къахьегча йогIучу "отпускехь" бу уьш. Нохчийн пачхьалкхан "Грозный" телеканалана еллачу интервьюхь дIахьедина цара. Президент хиллачу Кадыров Ахьмадан тобанхой хилла ду шаьш аьлла цара хьалхарчу деношкахь дуьйна. "Тхаьш юьхьарлаьцначу некъана тхо тешаме долу 19 шо а ду. Читать дальше...

ГIалгIайн жигархо Сайнароев Салман лаьцначуьра дIахецна Киеверчу Дарницкан кIоштан кхело, цIера дIасавалар а доьхкуш, когах электронан хIоз а бихкина. Ша Сайнароевс бина цунах хаам "Кавказ.Реалии" портале. "ГIирмерчу гIезалойн Меджлисан куьйгалхо Чубаров Рефат а, шейх Мансуран цIарахчу батальонан хьалханча ЧIебарлойн Муслим а юкъа а хIоьттина, арахецна со", - аьлла Сайнароевс. Стохка ГIадужу-баттахь дуьйна лаьцна вара иза, Киевехь ювелиран туькан хадархо а вуьйш, цу чохь къола динчу тобанца хилла ву аьлла, шеконаш кхоллаелла. Читать дальше...

WBC-н (Дуьненаюкъара боксерийн кхеташо) а, IBF-н (Къаьмнашна юкъара боксерийн федераци) а версица, нохчийн латархочо Бетербиев Артура дуьненан чемпионан ши титул яьккхина украинхойн боксерца Гвоздик Александрца Филаделфехь хиллачу турнирехь. Нокаут а еш, 10-чу раундехь эшийна цо Гвоздик. Шен карьерехь дуьххьара эшна лоруш ву Гвоздик, кхул хьалха 17-зза тоьлла иза, ткъа 14-зза нокаутца дирзинера цуьнан латар. Ишта цкъа а эшийна вац Бетербиев Артур а. Шен профессионалан карьерехь хIара 15-гIа толам бу цуьнан.