Новости за 19.11.2019

Instagram-ерчу "chp_chechenya" канална язвеллачу шина жимчу стага шайна кIинтIераваьккхина Нохчийчоьнан куьйгалхо а, «мохк а» – уьш «бехке бара» цхьана постна бухахь йозанаш дитарна. Бехказбовлар тIехь долу видео оццу каналехула яржийна шинарийдийнахь, кху беттан 19-чохь. "Лараме Рамзан Ахматович, ас доьху айса яздинчу ирчачу йозанна къинтIеравалар, иза ас вехна волуш дитинера. Ерриг а Нохчийн Республиканна а, Нохчийн Республикан халкъанна а хьалха доьху ас къинхетам бар. Со дохковаьлла, кхин соьгара дер дац иштаниг»... Читать дальше...

Иракъера цIадалийна бераш, ХангошвилигIарна депорт йина Швецино, ФСБ «балха оьцург» лаьцна (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

ХIусамехь доьзалхоша вовшашна тIехь ницкъбар сов дестийна дуьйцу, яц иза «тергаме эццал проблема», аьлла, жоп дахьийтина Оьрсийчоьнан юстицин министралло Страсбургерчу Еропан адамийн бакъонийн кхеле шега цо динчу дIахьедарна дуьхьал. Оцу хьокъехь хаамбо «Коммерсантъ» газето. Яхначу аьхка Европан кхело листира шега Оьрсийчуьрчу еа куьйгаш доцчу зудчо дина аьрзнаш. Страсбург цецъяккхинарг дара оцу зударийн куьйгаш шайн доьзалхоша даьхна хилар. Царалахь яра, масала, майрачо куьйгаш дIахедийна йолу Серпуховера Грачева Маргарита. Читать дальше...

Гуьржийчоьнан парламентан неIарш лецна, протестан гуламе бевлла лаьттинчу нахах оршоьтадийнахь дийнан сарахь полицино лаьцна 37 стаг. И хаам баржийна, «Керланаш-Гуьржийчоь» агенталло бахарехь, ша Тбилисерчу полицино.

Шинарийдийнахь БотIлихерчу Рахьата юьрто шайн бераш ца дахийтина деша. Уьш реза бац шайн юьртахь школа ца йилларна. ХIинццалц юьртарчу Iаьндийн чоанаш дечу меттиган дайша еллачу чоьнашкахь Iамабора хьехархоша кегийрхой. Дешар юкъахдаккхар нийса дац ала, берийн дай-наношка бистхила бахара БотIлихера хьаькамаш. Амма хIора а висина шен-шена хетачунна тIехь. Ткъа Рахьата юьртан администрацин векало хаийтира «Кавказ.Реалиица» хилларг дийцаредеш, кхаарийдийнахь шайн бераш «школе» ца дахийтинчу доьзалшна гIуда тухург хиларх. Читать дальше...

Швецин Iедало тховкIело ца луш, Гуьржийчу дIахьовсийна кхушеран аьхка, Марсхьокху-беттан 23-чу дийнахь Берлинехь вийначу Хангошвили Зеламхин вешин бераш. Оцу хьокъехь «Кавказ.Реалиига» хаийтина даймахка дIахьовсийначийн дас Зураба. Цо дийцарехь, 20 шо долу Ислам а, цуьнан зуда а, 2I шо долу Керим а Швеце баьхкина шо гергга хьалха, схьакхоччушшехь ехна хилла цара тховкIело а. "Схьабаьхкина массех бутт балале яхкийтира цаьрга «негативаш», тхо кхелашкахула лелаш дара. Сан ваша вийначул тIаьхьа дара цаьрга кхозлагIа а «цIа гIо» аьлча. Читать дальше...

Дагестанера вахархо Юсуфов Заур лаьцна бозбуанчаллаш лелорца доьзна. Мехкан чоьхьарчу гIуллакхийн министраллерчу пресс-гIоьнчалло дийцарехь, 38 шо долчу Юсуфовс «бух боцу аьттонаш беш хилла низамлардечу хьукматашка нах балха хIиттабо ша, бохуш». Лаьцнарг кхиина ша «юхкучу» белхан меттигех 3 миллион 600 эзар сом эца. Бозбуанчаллаш лелорца доьзна бехктакхаман гIуллакх айдина цунна дуьхьал. "Черновик" газето хаамбарехь, цхьа хан хаьлха Юсуфов болхбеш хилла Оьрсийчоьнан федералан кхерамзаллин хьукматан Дагестанерчу урхаллехь (ФСБ-хь).

Нохчийчоьнан бахархоша дийцина, республикан куьйгалхо "гIараваьлла стаг" хета шайна аьлла.

Гуьржийчоьнан парламентан неIарш лецна, протестан гуламе бевлла лаьттинчу нахах оршоьтадийнахь дийнан сарахь полицино лаьцна 37 стаг. И хаам баржийна, «Керланаш-Гуьржийчоь» агенталло бахарехь, ша Тбилисерчу полицино. Гулам бохош, пачхьалкхан лерринчу ницкъаша пайдаэцна хитухучу машенех а, бIаьргех хидоккхучу газах а. ХIинца мукъа бу парламентан неIаршка боьлху некъаш, Руставелин майданахь маьрша бу машений некъаш. Гуьржийчоьнан чоьхьарчу гIуллакхийн министралло арахецначу дIахьедаро бахарехь... Читать дальше...

Оршоьтан сарахь Оьрсийчоьнан орцан министраллин кеманца Иракъера Москва кхачийна 32 бер, хаамбо Regnum-о. Оьрсийчоьнан 13 махкара ду БагIдадерчу набахтера а, берийн Iойлешкара а цIадалийна бераш. Москвахь реабилитацин барамашкахула чекх а даьхна, дIасахьовсор ду уьш. Къилбаседа-кавказхойх царалахь ду нохчийн, гIалгIайн, хIирийн, дагестанерчу къаьмнийн бераш. Нохчийчоьнан куьйгалхочун гонерчу адамийн бакъонехула йолчу кхеташонан декъашхочо Саратова Хедас бахарехь, Иракъера схьадалийначу берех шиъ ду нохчех. Читать дальше...