G7 саммиташкахь Оьрсийчоьно дакъалацарна дуьхьал резолюци тIеэцна Iамеркан Конгрессо
Iамеркан Конгрессан векаллин чоьно резолюци къобалйина Оьрсийчоьнна G7 саммиташкахь дакъалацар доьхкуш йолу, "Москвано луларчу пачхьалкхийн территорин цхьаалла а, демократин юкъараллийн стандарташ а ларралц".
Цу резолюцехьа кхаж тесна 339 конгрессмено, 71 дуьхьал хилла.
Оьрсийчоьнан "G7 тобанах дIакхета аьтто хир бу, цо Украинин территорешна, шайна юкъахь ГIирма а йолуш, оккупаци яр сацадахь а, дерриг а дуьнентIехь демократина Iиттарш яр дитахь а" аьлла ду цу документехь.
И резолюци гучуяларан бахьана ду Iамеркан президенто Трамп Доналда 2020-чу шарахь Iамеркехь хир йолчу G7 саммите Оьрсийчоьнан президент кхайкха дагахь ву ша бохуш дIахьедарш дар.