Xa somos patrocinadores e patrocinados da Deputación de Pontevedra
O Club Chan do Fento, por primeira vez, terá como patrocinador e será patrocinador dun organismo público de gran importancia para toda Pontevedra: a Deputación.
Por problemas fiscais atrasados cando chegamos ao club en febreiro de 2020, non puidemos optar a pasada tempada ás subvencións que ofrece aos clubes deportivos a Deputación de Pontevedra, dende a Delegación de Deportes, dirixida por Gorka Gómez Díaz.
Sen embargo, este ano, unha vez solventados os problemas co fisco, elaboramos un gran informe, volvimos optar á subvención e obtivemos a máxima que concede a Deputación, que será destinada en maior medida a «La Escuela Infantil» e á organización da Liga Chan do Fento 2021.
Por isto, somos embaixadores por primeira vez da Deputación de Pontevedra na nosa escola infantil e na nosa Liga Chan do Fento 2021, lucindo o logo nos nosos documentos, nos actos e nas ligas e torneos organizados por nós.
Esperamos cedo, en canto a situación mellore, no mes de setembro, poder reunirnos co delegado de deportes, Gorka Gómez, para tratar a importancia do Club Chan do Fento neste enclave do Salnés, incluindo xogadores do Morrazo, Barbanza, Vigo e incluso do Deza, e a importancia de potenciar o golf dende os organismos públicos.
La entrada Xa somos patrocinadores e patrocinados da Deputación de Pontevedra se publicó primero en Chan do Fento Golf Club.