Իվանա Թրամփը հրաժարվել է Չեխիայում ԱՄՆ դեսպանը դառնալ՝ «կատարյալ կյանքի» պատճառով
ԱՄՆ նախագահ Դոնալդ Թրամփի նախկին կինը՝ Իվանա Թրամփը CBS News հեռուստաալիքին տված հարցազրույցում հայտարարել է, որ կարող էր դառնալ ԱՄՆ-ի դեսպանը Չեխիայում, սակայն հրաժարվել է այդ պաշտոնից, որպեսզի պահպանի «կատարյալ կյանքն» Ամերիկայում:
«Լավ, ինչո՞ւ ես պետք է «ցտեսություն» ասեի Մայամիի ձմռանը, Սան Տրոպեի ամռանը, Նյու Յորքի աշնանն ու ձմռանը: Ես կատարյալ կյանք եմ վարում», - Gazeta.ru-ի հաղորդմամբ՝ հայտարարել է Իվանան:
Իվանա Թրամփը ծնվել է Չեխոսլովակիայում 1949 թվականին: Նա եղել է ԱՄՆ գործող նախագահի առաջին կինը: Նրանք ամուսնացած են եղել 1977-1992 թվականներին: Նրանք երեք երեխա ունեն՝ Դոնալդ Թրամփ Կրտսերը, Իվանկա Թրամփը և Էրիկ Թրամփը: