Սամբոյի աշխարհի առաջնության 1-ին օրը հայ մարզիկները երեք մեդալ են նվաճել
Ավարտվեց Սերբիայի Նովի-Սադ քաղաքի SPENS ARENA մարզապալատում անցկացվող Սամբոյի պատանիների և աղջիկների առաջնության մրցումային առաջին օրը:
Սամբոյի ֆեդերացիայի մամուլի քարտուղարության փոխանցմամբ, մեր մարզիկները մրցումային առաջին օրը 3 մեդալ են նվաճել:
Բրոնզե մեդալակիրներ են դարձել երիտասարդներից Ֆելիքս Դանիելյանը /48կգ/ և Վահագն Չալյանը /82կգ/:
Չափազանց հետաքրքիր էր պատանիների առաջնության 75 կգ քաշային կարգի եզրափակիչը, ուր հանդիպում էին Բորիս Շատվերյանն ու Գեորգի Մարգարյանը: Արդյունքում հաղթել է Հունաստանը ներկայացնող Գեորգի Մարգարյանը, իսկ Հայաստանի ներկայացուցիչ Բորիս Շատվերյանն արժանացել է արծաթե մեդալի:
Հոկտեմբերի 14-ին մրցագորգ կմտնեն պատանիներից Սերգեյ Պողոսյանը՝ 65 կգ, Կարեն Հովհաննիսյանը՝81 կգ, Արման Մանուկյանը՝+87 կգ, երիտասարդներից՝ Արթուր Մանուկյանը՝ 52 կգ, Գրիգոր Սահակյանը՝ 90 կգ, Գոռ Գյունաշյանը՝ +100 կգ և Անի Տեր-Հարությունյանն /44 կգ/ ու Աննա Մկրտչյանը /+80 կգ/: