Լոնդոնում գողերը հատուկ սարքի միջոցով ավելի քիչ քան 60 վայրկյանում առևանգել են թանկարժեք BMW-ն (լուսանկարներ, տեսանյութ)
Բրիտանական The Daily Mail պարբերականը հրապարակել է ուշագրավ ֆոտոշարք, որում երևում է՝ ինչպես է երկու գողի հաջողվում ավելի քիչ, քան 60 վայկյանում առևանգել մոտ 90.000 դոլարանոց BMW մեքենան՝ դրա անվտանգության համակարգին «խաբելով» հատուկ սարքի միջոցով:
Աղբյուրը մանրամասնում է, որ գողերը կիրառել են այնպիսի սարք, որը կարողանում է առանց բանալի բացվող-փակվող մեքենային հատուկ ազդակ ուղարկել, «խաբել» անվտանգության համակարգին ու ստիպել բացել դռները:
Հայտնի է, որ միջադեպը տեղի է ունեցել Լոնդոնում: Թանկարժեք մեքենայի տերը պատմել է, որ փոխադրամիջոցը ձեռք էր բերել մեկ ամիս առաջ:
«Ես ննջասենյակում քնած էի, երբ հանկարծ լսեցի շարժիչի ձայնը: Հասկացա, որ ինչ-որ մեկը գործի է դրել մեքենաս, գնացի պատուհանի մոտ: Անմիջապես վազեցի ներքև, բայց մեքենաս արդեն չկար»,-պատմել է նա:
