Հս. Կորեան սպառնացել է «աներևակայելի» հարված հասցնել ԱՄՆ-ին
Հյուսիսային Կորեան սպառնացել է «աներևակայելի» հարված հասցնել ԱՄՆ-ին՝ Թրամփի վարչակազմին և նրա հարավկորեական «խամաճիկ» դաշնակիցներին մեղադրելով «ամեն գնով Կորեական թերակղզում պատերազմ հրահրելու մեջ»:
Ինչպես հաղորդում է The Independent-ը, այս հայտարարությունը հրապարակել է Փհենյանի կենտրոնական լրատվական գործակալությունը՝ տարածաշրջանում «անխուսափելի աղետ» կանխագուշակելով:
Կորեական աղբյուրի հայտարարության մեջ ասվում է, որ Հս. Կորեան խոստացել է «անգթորեն ճնշել ԱՄՆ-ի և հարավկորեացի խամաճիկների պատերազմական կատաղությունը՝ զերծ մնալու պատերազմի կործանարար անդունդում հայտնվելուց և ամենազարհուրելի մահ բերել գրոհողներին»:
Այս սպասռնալիքը հնչել է ի պատասխան Կորեական թերակղթու հարակից ջրերում ԱՄՆ-ի և Հարավային Կորեայի համատեղ զորավարժությունների անցկացմանը: