250կմ/ժ. ՌԴ «հարուստ երեխաները» Մոսկվայում երթևեկել են ուղղաթիռի արագությամբ (տեսանյութ)
Համացանցում հայտնվել է տեսանյութ, որում երևում է՝ ինչպես է ավտոմեքենան Ռուսաստանի մայրաքաղաքի փողոցներից մեկով ընթանում ժամում 250 կիլոմետրը գերազանցող արագությամբ: Տեսանյութը հրապարակել է Instagram-ի richrussiankids էջը, հայտնում է lenta.ru-ն:
Տեսանյութն ուղեկցվում է հետևյալ գրությամբ. «Դատարկ գիշերային Մոսկվան կարծես ստեղծված լինի 250-ով ընթանալու համար»:
Մոսկվայում երթևեկության առավելագույն թույլատրելի արագությունը ժամում 100 կիլոմետրն է: Թույլատրելի արագության հետ կապված խախտումը կարող է պատժվել հինգ հազար ռուբլու չափով տուգանքով կամ կես տարով վարորդական իրավունքից զրկելով:
Նշվում է, որ այժմ ժամում 240-260 կմ-ն ստանդարտ արագություն է ուղղաթիռների համար: