Բասկետբոլ. Հայաստանի հավաքականը վստահ հաղթանակ տոնեց Ալբանիայի նկատմամբ
Բասկետբոլի Եվրոպայի 2021 թվականի առաջնության նախընտրական փուլում Հայաստանի հավաքականը հույրընկալվեց Ալբանիայի ընտրանուն: Հանդիպումը տեղի ունեցավ Տիրանայի «Ֆետի Բորովա» մարզադահլիճում:
Խաղը հիմնականում անցավ մեր հավաքականի առավելությամբ: Առաջին քառորդում մեր ընտրանին կարողացավ հաջողության հասնել 28:18 հաշվով: Երկրորդ քառորդում Նիկշա Բավցևիչի տղաները մի փոքր թուլացրին տեմպը և տանուլ տվեցին քառորդը 20:14 հաշվով:
Երրորդ և չորրորդ քառորդները մեր հավաքականի բասկետբոլիստները վստահ անցկացրին և հաղթեցին համապատասխանաբար 23:19 և 9:15 հաշվով: Մեր թիմի կազմում ամենաշատ միավորները վաստակեց թուրքական «Բեշիքթաշում» հանդես եկող Ռայան Բոաթրայթը, ում ակտիվում գրանցվեց 21 միավոր:
Հայաստանի հավաքականը հաղթանակ տոնեց ընդհանուր 80:63 հաշվով:
Նշենք, որ B խմբում մեր հավաքականի հետ ընդգրկված է նաև Դանիայի ընտրանին, ում հետ Հայաստանի ընտրանին կմրցի նոյեմբերի 26-ին՝ Երևանում: