«Լիվերպուլը» մտադիր է վաճառել Սթարիջին և գնել Օբամեյանգին
Անգլիական «Լիվերպուլը» մտադիր է վաճառել թիմի հարձակվող Դենիել Սթարիջին և գործարքից ստացված գումարով ձեռք բերել Դորտմունդի «Բորուսիայի» հարձակվող Պյեր-Էմերիկ Օբամեյանգի տրանսֆերը:
Ինչպես տեղեկացնում է «Express.co.uk»-ը, գաբոնցու ծառայություններով անձամբ հետաքրքրված է «մերսիսայդցիների» գլխավոր մարզիչ Յուրգեն Կլոպը:
Բացի այդ, «մեղուները» նույնպես հակված են թիմի 28-ամյա հարձակվողի տրանսֆերը վաճառելու տարբերակին` կարծելով, որ ապագայում Օբամեյանգի տրանսֆերային արժեքը կնվազի:
Հաղորդվում է, որ Սթարիջի ծառայություններով հետաքրքրված է իտալական «Միլանը»: