Արգենտինայի Ռազմածովային ուժերն անհետացած սուզանավի գտնվելու երկու հնարավոր վայր են ուսումնասիրում
Արգենտինացի մասնագետները անհետացած «Սան Խուան» ռազմական սուզանավի գտնվելու վայրի երկու հնարավոր տարբերակ են նշել:
Ինչպես հայտնում է La Nacion-ը, այս մասին հայտարարել է Արգենտինայի Ռազմածովային ուժերի պաշտոնական ներկայացուցիչ Էնրիկե Բալբին:
Վերջինիս խոսքով՝ սուզանավի որոնումները դժվարանում են վատ եղանակային պայմանների պատճառով: Ներկա պահին մասնագետները երկու շրջան են ուսումնասիրում՝ 700 և 950 մետր խորությամբ:
Հիշեցնենք, որ «Սան Խուան» սուզանավը, որում անձնակազմի 44 անդամ է գտնվել, նոյեմբերի 17-ին դադարել է կապի դուրս գալուց: Նախօրեին հայտնի էր դարձել, որ Արգենտինան դադարեցնում է սուզանավի անձնակազմի փրկարարական աշխատանքները, որոնց 14 պետություն է մասնակցել: