«Ռեալը» խոշոր հաշվով հաղթեց «Սևիլիային» (տեսանյութ)
Իսպանիայի առաջնության 15-րդ տուրում Մադրիդի «Ռեալը» սեփական հարկի տակ ընդունել էր «Սևիլիային»:
Մադրիդյան ակումբի խաղացողները լուծեցին մրցակցի հարցերն արդեն առաջին խաղակեսում՝ խփելով 5 անպատասխան գնդակ:
Առաջինը գոլի հեղինակ դարձավ Նաչոն՝ անկյունայինից կատարված փոխանցումից հետո: 23-րդ րոպեին Ասենսիոյի փոխանցումից հետո խաղում իր առաջին գնդակը խփեց Ռոնալդուն: 31-րդ րոպեին պորտուգալացին հստակ իրացրեց 11 մետրանոց հարվածը՝ ձևակերպելով դուբլ:
38-րդ րոպեին էլ թիմի գեղեցիկ գրոհը եզրափակեց Տոնի Կրոսը, իսկ հանդիպման վերջակետը դրեց Աշրաֆը՝ մադրիդցիների կազմում խփելով իր առաջին գնդակը:
Այս խաղից հետո «սերուցքայինները» վաստակեցին 31 միավոր և բարձրացան 3-րդ հորիզոնական: «Սևիլիան» 28 միավորով 5-րդն է:
«Ռեալ Մադրիդ»-«Սևիլիա»՝ 5:0
Գոլերը՝ Նաչո (3), Ռոնալդու (23,31), Կրոս (38), Աշրաֆ (42)