Ռայոլա. Բալոտելին արժե 100 մլն եվրո. նոր ակումբի հարցում բանակցություններ ենք վարում
Մարիո Բալոտելիի գործակալ Մինո Ռայոլան հայտարարել է որ իտալացու տրանսֆերի շուրջ բանակցություններ է վարում անգլիական ու իտալական ակումբների հետ.
«Մարիոն պատրաստ է վերադառնալ Իտալիա: Նա դարձել է աշխարհի 10 լավագույն հարձակվողներից: Իտալացիների մեջ նա համար առաջինն է: Բալոտելիի տրանսֆերային արժեքը 100 մլն եվրո է, սակայն այժմ բանակցություններ ենք վարում, որպեսզի նա նոր ակումբ տեղափոխվի ազատ գործակալի կարգավիճակով:
Խոսել եմ «Ռոմայի», «Ինտերի», «Յուվենտուսի» ու «Նապոլիի» ղեկավարների հետ: Հանդիպում չեմ ունեցել միայն «Միլանի» հետ, քանի որ չեմ կարողանում շփվել նրանց սպորտային տնօրեն Միրաբելիի հետ»,- Ռայոլայի խոսքերը մեջբերում է «Football Italia»-ն: