Իրաքի իշխանություններն սկսել են Սադդամ Հուսեյնի և նրա կողմնակիցների ունեցվածքի բռնագրավումը
Իրաքի իշխանությունները սկսել են գահընկեց արված նախագահ Սադդամ Հուսեյնի ունեցվածքի բռնագրավումը:
Ինչպես հաղորդում է Известия-ն՝ վկայակոչելով տեղի աղբյուրը, իրավասու մարմինները սկսել են անշարժ գույքի առգրավման գործընթացն արտահերթ կարգով:
Խոսքն առանձնատների, պալատների, բնակելի տների և այլ անշարժ գույքի մասին է, որոնց ընդհանուր արժեքը կազմում է 3 մլրդ դոլար: Բռնագրավման է ենթակա 4257 մարդու ակտիվներ, այդ թվում և նախկին նախագահի հարազատների, Հուսեյնի ղեկավարման ժամանակաշրջանի բարձրաստիճան պաշտոնյաների, ինչպես նաև պետանվտանգության, հետախուզության սպաների, Հուսեյնի անձնական պահակախմբի անդամների:
Միևնույն ժամանակ նշվում է, որ կառույցների 40 տոկոսը դե-ֆակտո պատկանում է գործող քաղաքական գործիչներին, որոնք հրաժարվում են գույքը փոխանցել պետության սեփականությանը: