ԱՄՆ ֆիննախարարությունը ընդլայնել է պաժամիջոցները Իրանի քաղաքացիների նկատմամբ
ԱՄՆ ֆինանսների նախարարությունն ընդլայնել է պատժամիջոցային ցուցակը, որում ներառված են նրանք, ովքեր, Վաշինգտոնի կարծիքով, առնչվում են կիբերհարձակումների իրականացման հետ:
Այս մասին հայտնում է Известия-ն՝ վկայակոչելով ամերիկյան գերատեսչության կայքում հրապարակված հաղորդագրությունը: Ցանկում ներառվել են Իրանի 10 քաղաքացի և մեկ իրավաբանական անձ:
ԱՄՆ նախագահ Դոնալդ Թրամփը մարտի 13-ին երկարաձգել է Իրանի դեմ 1995-ին, 2010-ին, 2012-13 թվականներին սահմանված պատժամիջոցները: Մասնավորեցվում է, որ պատժամիջոցնեը երկարաձգվել են մինչև 2019-ի մարտի 15-ը՝ «Իրանի կառավարության գործողությունների և քաղաքականության պատճառով, ներառյալ՝ բալիստիկ հրթիռների մշակումը, միջազգային ահաբեկչությանն աջակցելը և մարդու իրավունքների խախտումը»: