Ամերիկացի նկարիչն ուշագրավ դիմանկարներ է ստեղծում՝ բացառապես ձեռագիր տեքստերի օգնությամբ (լուսանկարներ)
Կալիֆոռնիայում բնակվող նկարիչ Փիլ Վենսը հարյուրավոր ժամեր է ծախսում տպագրական դիմանկարներ ստեղծելու համար:
Ինչպես ներկայացնում է Oddity Central-ը, ամերիկացին հանրահայտ անձանց դիմանկարները պատկերում է բացառապես ձեռագիր բառերով ու բառակապակցություններով:
Առաջին հայացքից նկարներին նայելիս դժվար է հասկանալ, որ դրանք մատիտով նկարված չեն, այլ ընդգծված են սովորական ձեռագիր տառերի մեջ: Նկարիչն իր արվեստը բնութագրում է որպես «խաչաձև ստվերագծում, բայց բառերով»:
Նրա աշխատանքներից շատերը ներկայանում են սև-սպիտակ գույներով, սակայն վերջերս նա իր ինքնատիպ դիմանկարների շարքը համալրել է «Ջոկերի» գունավոր կերպարով: