Մարդասիրական միջանցքներով ավելի քան 140 000 խաղաղ բնակիչ է հեռացել Արևելյան Ղուտայից
Սիրիայում կազմակերպված մարդասիրական միջանցքների ժամանակ Արևելյան Ղուտա բնակավայրից շուրջ 144 000 խաղաղ բնակիչ է հեռացել: Այս մասին հայտնում է INTERFAX.RU-ն՝ մեջբերելով ռուս զինվորականների տվյալները:
«Արևելյան Ղուտայից «մարդասիրական դադարների» սկզբից ի վեր Հակամարտող կողմերի հաշտեցման ռուսական կենտրոնի մասնակցությամբ 143 801 մարդ է դուրս եկել», - ասել է ռուսական կենտրոնի ղեկավար, գեներալ-մայոր Յուրի Եվտուշենկոն:
Մասնավորեցվում է, որ ավելի քան 600 խաղաղ բնակիչ ուրբաթ հեռացել են Արևելյան Ղուտայի Դումա քաղաքից:
Բացի այդ, Արևելյան Ղուտայից դուրս են բերվել շուրջ «Ֆեյլաք ար-Ռահման» խմբավորման 32 000 գրոհային: