Անչելոտին իր պայմաններն է առաջադրել Իտալիայի ֆուտբոլի ֆեդերացիային
Իտալիայի ֆուտբոլի ֆեդերացիան ու Կառլո Անչելոտին բանակցություններ են վարել: Այս մասին տեղեկացնում է «Football Italia»-ն:
Անչելոտին, որը Իտալիայի հավաքականը գլխավորելու հիմնական թեկնածուն է, հայտնել է ֆեդերացիայի ներկայացուցիչներին, որ ցանկանում է իր մարզչական շտաբում տեսնել Անդրեա Պիրլոյին, ում նա մարզել է «Միլանում» աշխատելու տարիներին: Իտալացի մասնագետը ցանկանում է նաև իր շտաբում տեսնել որդուն` 28-ամյա Դավիդեին:
Նշվում է, որ մինչև ապրիլի վերջ Անչելոտին կպատասխանի Իտալիայի ֆուտբոլի ֆեդերացիայի առաջարկին: