Փարիզում զանգվածային անկարգությունների հետևանքով ավելի քան 100 մարդ է ձերբակալվել (լուսանկարներ)
Փարիզում մայիսմեկյան ցույցի ժամանակ տեղի ունեցած անկարգություններից հետո ձերբակալվել է 102 մարդ, հայտնում է ria.ru-ն՝ Փարիզի ոստիկանությանը հղումով:
Աղբյուրը մանրամասնում է, որ մայիսմեկյան ցույցն ուղեկցվել է զանգվածային անկարգություններով: Սևազգեստ. դիմակավորված երիտասարդները՝ մոտ 1.200 մարդ, ջարդուփշուր են արել ռեստորանների ու սրճարանների ցուցափեղկերը, այրել են մեքենաներ:
Ի վերջո ոստիկանությունը ստիպված է եղել միջամտել, կիրառել արցունքաբեր գազ ու ջրցան մեքենաներ:
Երկրի նախագահ Էմանուել Մակրոնը հայտարարել է, որ կտրուկ դատապարտում է անկարգությունները: Նա նաև ընդգծել է, որ բոլոր մեղավորները կենթարկվեն պատասխանատվության: