Բնապահպանները մտադիր են Դոնալդ Թրամփի դեմքը փորագրել արկտիկական սառցաբեկորի վրա
Կլիմակայան փոփոխությունների հարցերով զբաղվող խմբերից մեկը կես մլն դոլարի դրամահավաք է իրականացնում՝ նպատակ ունենալով արկտիկական սառցաբեկորներից մեկի վրա ԱՄՆ նախագահ Դոնալդ Թրամփի դեմքը փորագրել:
Ինչպես ներկայացնում է The Independent-ը, Melting Ice («Հալչող սառույց») ֆիննական խումբը նախատեսում է 35 մետր երկարությամբ քանդակի տեսքով սառցաբեկորի վրա պատկերել Թրամփի դեմքը:
Այսպիսով, նրանք ցանկանում են բարձրացնել կլիմայական փոփոխությունների վտանգի հարցը՝ հետևելով, թե որքան ժամանակ կպահանջվի քանդակի հալչելու համար:
Հիշեցնենք, որ ԱՄՆ նախագահ Դոնալդ Թրամփն անցյալ տարի որոշում էր կայացրել Կլիմայական փոփոխությունների վերաբերյալ փարիզյան համաձայնագրից ԱՄՆ-ի դուրս գալու մասին: