Նիկարագուայում զանգվածային բողոքի ցույցերի ընթացքում 135 մարդ է զոհվել
Նիկարագուայում տեղի ունեցող բողոքի զանգվածային ցույցերի ընթացքում զոհվածների թիվը հասել է 135-ի: Այս մասին հաղորդում է РИА Новости-ն՝ մեջբերելով երկրի մարդու իրավունքների կենտրոնի տվյալները:
Ավելի վաղ Մարդու իրավունքների միջամերիկյան հանձնաժողովը տեղեկացրել էր, որ ցույցերի հետևանքով զոհվածների թիվը կազմում էր 127 մարդ:
Հինգշաբթի Նիկարագուայի նախագահ Դանիել Օրտեգան հանդիպել է երկրի Եպիսկոպոսական համաժողովի անդամների հետ և երկու օր ժամանակ է վերցրել՝ քննարկելու համար երկրի ժողովրդավարացման մասին նրանց առաջարկը:
Նիկարագուայում բողոքի ցույցերն անցկացվում են ապրիլի 18-ից ի վեր՝ իշխանությունների առաջարկած բարեփոխումների ծրագրի ֆոնին, որը ենթադրում էր աշխատավարձերի կրճատումների ավելացումը՝ հօգուտ սոցիալական ապահովագրության հիմնադրամների: Նախագահ Օրտեգան արդեն չեղարկել է այն: