ԻՊ-ի հետ առնչության կասկածանքով Թուրքիայում 30 արտասահմանցու են ձերբակալել
Թուրքիայի Անվտանգության ծառայությունը Ստամբուլում առնվազն 30 արտասահմանցի քաղաքացու է ձերբակալել՝ «Իսլամական պետություն» ահաբեկչական խմբավորման հետ կապ ունենալու կասկածանքով: Այս մասին հայտնում է INTERFAX.RU-ն՝ վկայակոչելով թուրքական աղբյուրը:
Ոստիկանական աղբյուրի հաղորդմամբ՝ շաբաթ հակաահաբեկչական արշավներ են իրականացվել միաժամանակ Ստամբուլի 7 շրջանում: Ձերբակալված անձինք, ենթադրաբար, ահաբեկչություններ էին նախապատրաստում:
Աղբյուրի փոխանցմամբ՝ ոստիկանական արշավի շրջանակներում նաև փաստաթղթեր և թվային նյութեր են առգրավվել: