Չինաստանում անցորդները մերկ ձեռքերով հանել են վարորդին խճաքարի կույտից (լուսանկարներ, տեսանյութ)
Չինաստանում անցորդները փրկել են տղամարդուն, որի ավտոմեքենան վթարի հետևանքով մնացել է խճաքարի կույտի տակ: Միջադեպին անդրադարձել է The Daily Mail-ը:
Նշվում է, որ ինքնաթափ բեռնատար ավտոմեքենան բախվել է տղամարդու ավտոմեքենային, ինչի հետևանքով բեռնատարի պարունակությունը թափվել է ճանապարհի վրա՝ իր տակ թողնելով ավտոմեքենան ու վարորդին:
Բարեբախտաբար, իրավիճակի ականատեսներն անմիջապես օգնության են հասել ու մերկ ձեռքերով հանել տղամարդուն ավտոմեքենայից՝ չսպասելով փրկարարներին:
Քիչ անց դեպքի վայր են ժամանել փրկարարներն ու տուժածին տեղափոխել հիվանդանոց: