Տորոնտոյի քաղաքային խորհուրդը փաստաբան Միգանուշ Մկրտչյանին նշանակել է վարչական շրջանի խորհրդականի պաշտոնում
Տորոնտոյի խաղաքային խորհուրդը փաստաբան Միգանուշ Մկրտչյանին նշանակել է 41-րդ վարչական շրջանի խորհրդականի պաշտոնում, որը թափուր էր մնացել Չին Լիի հրաժարականից հետո:
Ինչպես տեղեկացնում է Global News-ը, Լին պաշտոնից հեռացել էր մայիսի 8-ին՝ նահանգային ընտրությունների մասնակցելու համար՝ որպես Օնտարիոյի Լիբերալ կուսակցության թեկնածու: Հրաժարական տալուց առաջ նա խորհրդականի պաշտոնը զբաղեցրել է երեք անգամ:
Քաղաքային խորհուրդը որոշել է ընտրություններ անցկացնելու փոխարեն նշանակում անել այդ պաշտոնում, քանի որ խորհրդականի մանդատի ընթացիկ ժամկետն ավարտվում է նոյեմբերին: Իսկ Տորոնտոյի ավագանու ընտրությունները կանցկացվեն հոկտեմբերի 22-ին:
Ինչպես նշվում է, խորհրդականի պաշտոնում առաջադրվելու համար 25 թեկնածու կար, որոնցից միայն 4-ն են բնակվում այդ վարչական շրջանում: 34-ամյա Միգանուշն ընտրվել է 20 կողմ ձայնով:
Նշվում է, որ նա 38-րդ վարչական շրջանի բնակիչ է, տիրապետում է հայերենի, պարսկերենի, ֆրանսերենի, իսպաներենի և ռուսերենի: